KALATIA 5:6 - Ala Ane Wene Ket Mene Warogo Wo'ninapike Wene

⁶ Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

KALATIA 5:6 ပူးပေါင်းရင်းမြစ်များ

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

1 KORÌTÙT 7:19

Inogat inekalìma mene atì'nogo palek logousak inom, pale'lek logousak inom, atì esin hùk. Lek o. Ebe esin he, Ala ane hologo hagatì logousak atìat o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

IBERANI 11:8

At Aberaham hogo re, Ala nen ayoko hìlìk, “Hat o aike ese logoinogolùk wokhesik en he, lano,” ìlùk abok yogosikomo, at en he, “Wene atì eberogoat,” ìlùk etaùken Ala oba hìpìrethìlìk o koma legein heat okot logolìgat wagaike.

1 KORÌTÙT 13:13

Motok logogin he, ninetaùken Ala ba hìpìrìk welagorek atì inom, hano asigin ìlùk nina'la hai hakogorek atì inom, apùnì inebe ninetawìrogo welagorek atì inom, wene ebe hìnagan atemat logogin. Meneat he, ebe esin hake re, apùnì inebe ninetawìrogo logousak atìat o.

KALATIA 3:26

Hit hinetaùken Karìsùt Yesùt oba hìpìrìk welagep atì nen hinebe obogat he, Ala againapùrì welagep atì.

EPESÙT 6:23

Ninopase Ala mel, ninoe Etagepogot Yesùt Karìsùt mel, eperak enat, hit nerùgì nagaiya'lak Ala againapùrì obogat hano lapuk hogo hikìgìk, apùnì inetawìrogo welagaikarek mene atì wokhisìgìk, inetaùken at oba hìpìrìk welagaikarek mene atì inomat wokhisìgìk, uak o.