KALATIA 5:4 - Ala Ane Wene Ket Mene Warogo Wo'ninapike Wene

⁴ Hit aike nen he, “Wene Ala nen ninasuk wasike wene atì ba hakothìlìk, at en he, ùkùm ninoba mene korogo wokhìlìk, ninom hobuk ninapotkwe hùnogo hinanuak,” ìlùk hagatì lagep halok he, Karìsùt hinom hek egesip he, at Ala oabùt hano nen wo'nisikerek mene a'nogo heraksalùk wùlùpep atì.

KALATIA 5:4 ပူးပေါင်းရင်းမြစ်များ

ÙRÙM 11:6

It apùnì nen hano aike hagasukwa ba, Ala nen inoabùt palogo wenaginabilepma re, at oabùt hano nen wenaginapike ìlùk usak lek atì nen he, it en hano aike hagasukwa ba Ala nen inoabùt palogo wenaginapike hùk. We, at oabùt hano nen wenaginapike atì.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

KALATIA 2:21

Ala oabùt hano nen hano'ninaperek wene atì an nen sagalogo heraksìgìrek lek. Wene Ala nen ninasuk wasike wene a'nogo ba, ùkùm ninoba mene korogo wokhìlìk ninom ninapotkwe hùnogo hinanilepma re, Karisùt wa'lagaike atì we tùlemat alemarogo wa'la'lep o.

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

ABÌKAKAN 2:5

Atì halok he, hit kopok hogo motogat pegesip welagep atì, hina'la ebethìlìk, hinoabùt hebelarìk he, alep hagatì lagagip atì hagat hagatì logoino o. Atì'nogo hagatì'lek halok he, an nebe wìrìk he, hit mene esage kìalhùkwe atì obùlù'mo nen kìgìlogo wokhegein o.

KALATIA 5:2

An Paùlùt nokawerek en wene eberogoat yogohisak. Hit hinokawerek en hinogat hinekalìma mene it aike nen palhinabuagalùk inayoko hìkì lagep halok he, at Karìsùt en hanothinabigin lek o. Tùlemat haga'lakogoin atì.

IBERANI 4:1

Atì halok he, Ala nen againapùrì set waloagalùk abok yogoisasike mene atì lek agì'lek werek mene atì, hobuk nit set waloagalùk wo'nisegeinmo atoma hit aike kìgì'lek kamo inogo ìlùk hinayùk hogo logolìk higit hogo hagatì logoino o.