KALATIA 5:10 - Ala Ane Wene Ket Mene Warogo Wo'ninapike Wene

¹⁰ Atì'nogo meneat he, ninoe Etagepogot ninom omakeat agosik hutik welago atì nen, an na'la nen he, “It inoabùt he, wene hùnogo mene aike oba ebesugun legat,” ìlùk, hùthikìkì lagìat o. Sa nen hit weagathinabigìlùk hina'la kagalì'logo mene atì, Ala nen ùkùm oba hegein werek o.

KALATIA 5:10 ပူးပေါင်းရင်းမြစ်များ

KALATIA 5:12

Hit weagathinabuogolùk hinogat hinekalìma mene palhinabuogolùk hina'la ning hogo kagalì'lùgì mene palhinabuogolùk hina'la ning hogo kagalì'lùgì mene atì, hit Ala againapùrì hina'la nen tek hogo motok wo'laka wùlùbùak o!

PILIPI 3:15

Halok he, nit ninetaùken wurik mene yì re, wene atì hesik hùthìkì logouok. Atì'nogo meneat he, hit hinetaùken wene welek mene oba ebetì lagep halok he, hùthoagalùk at Ala nen tùkùm hogo yogohisegeinat o.

KALATIA 1:7

Ebe re, wene hano wene hunigat aike welagarek le'maat o. Meneat he, it apùnì aike nen hano wene Karìsùt en hagasike wene atì mene hùnogoat hagarogo lalhinabuogolùk yogohisìlì'lùgì atì nenat ìgì o.

2 KORÌTÙT 2:3

Hit enat an na'la hano'nabusak atì. Hit an na'la hano'nabumo an na'la hai hakìgì halok he, hit obogat hina'la hai hakasagat akìkì lagì. Atì nen he, an hit hinoba waganem hit en an na'la weaga'nabinogo ìlù, hinoba wesu nabìt en, wene arat helal waganogo hinoba lakhei wagagi atì o.

1 TIMOTÌÙT 1:20

It weak atì'nogo hagatarek atì, inebe aike re, Himeneùt Aleksatat eperak en Ala abok weak palhì lagaikama, hobuk inoabùt hebelarìk weak hagatì'lek kamo uagalùk inebe Ibilit wogotima werek atì.

KALATIA 6:17

Hobuk he, an Yesùt atitigeke ìlùk, nebenakwe nagapùt enagat werek atì nen he, it aike nen an na'la wiikweak hogo haga'nabusak lek o. Motok nabìt.

KALATIA 4:17

It apùnì aike aroma hinebe wokhinabuogolùk hina'la ning hogo kagalì'lùgì atì, inetaùken higit logolìk hagarì'lùgì hùk. An ninom hano welagorek mene herakhanìlùk lisogo wokhisek wùlìbìk, it werekweat ning hogo hagatì logouagalùk hina'la kagalì'lùgì atì.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

KALATIA 2:6

It aike ina'la nen he, “Inetagewerek he, it atem,” egarek mene atì nen wene an yogoisìlìk nìgìrek mene a'nogo hobuk hùnogoat yogoisìlìk nìkì logouak en ìlùk yogonetì'legat. Ala nen apùnì inogat etakwe nek eileken isìlìk he, “Yì weak. Yì hano,” ìlùk ikerek lek atì nen, an it atì hesik alebat inetagewerek welagaika mene he a? Lek mene he a, ìlùk, wenesùgì ebetì lagagi lek atì.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

2 KORÌTÙT 10:6

Nit en he, hit Ala ane katok hogo hologo motok hagatì lagep halok he, tegelogo hikìkì logolìk it aike at ane inasuk holùhùk mene hùgì ùkùm inoba houogolùk welago.

1 KORÌTÙT 5:5

Ap atì etaùken ninoe Etagepogot wesigin atì like waga logolìk teluak en he, yogotak ebe Ibilit en weagathouagalùk, at Ibilit at wogo'no.

LAKSASIKE 15:24

“Ap nit mene aike hit hinoba wagaikasik he, nit en, Wene tì'nogo yogoisa lani, ìlùk laksa wagì'lek meneat he, it en hit yogohisìkì logolìk, hina'la weagathinapìk, kolothinapìk, ega o, ìlùk apùnì nen egama ninasuk holho o.

PILEMON 1:21

Wene an nen yogohetì mene atì hat en hasuk hologo hagasiginat hìgì, ìlùk, na'la akìgìrìk en he, wene yì helal waganogo hoba lakhei wagì atì o. An nen, “Ebe wanino,” ìlùk, yogohetì mene atì, hat en atì'nogo hagatì logolìk hano mene aike inom hagasiginat hìgì, ìlùk, an neluat o.

2 TESALONIKA 3:4

Hakhisek were'ma, nit nina'la nen he, “It en he, nit en it inasuk watì lagagu mene a'nogo, yogotak higit hogo hagatìk, hobuk atì'nogo hagatìk, ìkì logogun o,” ìlùk ninoe Etagepogot ninom hutik logolìk eberogoat akìkì lago.

KALATIA 4:20

An hit hesik nìkì'nogo hagasu he, noake palarì'logo atì nen, an na'la nen he, yogotak ya hinoba wìrìk ninom logolìk wene hùnogoat negen aike yogohisele e, ìlùk, na'la akìgìrek atì.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

2 KORÌTÙT 13:10

Atì nenat he, nebe walegat logolìk wene yì helal waganogo hìkì lagì. Nebe hobuk wagì halok ninom logolìk he, nane pùk weak wenakhikanogo ìlùk, helal atì'nogo waganogo hìkì lagì atì. Ninoe Etagepogot en omame wo'nesikomo esewerek welagì atì re, hit hinebe weagathinabuagalùk hùk. We, hinetaùken wurigethinabuagalùk esewerek welagì o.

2 KORÌTÙT 8:22

It atem inom hogo, ninagaiyak aike lakhei wagiat o. At atì re, yì hesik tì hesik ninhùp-nanhùp apùnì aike akiluk hogo leberisikenem oabùt enagat palhoresik he, hinoba lakhei wagì atì o. At en he, “It hano hagasugun,” ìlùk etaùken hinoba lakhesikesi'mo nogo nen he, yogotak hit lebethisagalùk a'la motok akiluk hogo waga atì o.

2 KORÌTÙT 7:16

Nen, an nen he, “It yì mane tì mene hano hagatì logogun,” ìlùk, netaùken hapuk hogo logolìk na'la hai hakìkì lagì o.

2 KORÌTÙT 5:16

Atì nen he, nit en hùlì yogotak ya hùlì nen he, apùnì nen inoabùt palharek hak, it apùnì aike inoabùt atì'nogo palhì lago lek o. Nen, alep he, Karìsùt oabùt atì'nogo palhugu hak, hobuk atì'nogo palhì lago legat o.

2 KORÌTÙT 1:15

Atì'nogo hùthogoinat o, ìlùk akìgì ati nen, hit hina'la hineki pìre ba hai hakoageip en ìlùk, an alebat en o Maketonia yoma waga logolìk hit hinoba ha'larìk wìrìk he, hobuk napotkwe laga logolìk hinoba ha'larìgat, o Yurea lagalùk laganem, hit en lebe'neoageip ìlùk akasigi.

KALATIA 5:7

Apùnì sa awewerek sa awewerek lagaikarek hak, hit hageat he, ebe wene atì hesik hinoabùt akiluk hogo hagatì lagagip meneat he, hobuk sa nen hina'la kagalhì lagama ebe wene atì hologo higit hogo hagatì'lek, hina'la pùk welagep nogo.