KALATIA 5:1 - Ala Ane Wene Ket Mene Warogo Wo'ninapike Wene

¹ Nit Karìsùt en ninalepma hinasikomo yogotak ninalepma welago. Atì nen he, yì mene tì mene ekin weak mene it apùnì inatitigeke mene nen e pok hogo wolok loagalùk inomolo ba hagarek hak, ekin mene atì hobuk hinoba heinogo ìlùk, ning hogo metek logoino.

KALATIA 5:1 ပူးပေါင်းရင်းမြစ်များ

2 KORÌTÙT 3:17

“Ninoe Etagepogot,” ìlùk ìgì atì re, Ala Areagùn hesigat o. Apùnì ninoe Etagepogot Areagùn ina'la were'ma re, hele hikalek inalepma welagaikarek atì.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

1 PETERÙT 2:16

Atì'nogo logolìk, hit en he, “Nit weak mene awe a'ma were'ma, Ala nen hele hikalogo ninalepma hinasikomo welago,” ìlùk, weak aike hinagasogo hagatì logogùp. We, hinoabùt Ala atìtigeke logolìk hagasusak mene higit hogoat hagatì logoino o.

ÙRÙM 6:14

Hit he, wene Ala nen ninasuk wasike wene a'nogo oba hìpìrìk welagep lek. We, Ala oabùt hano nen etawì'ninaperek atì oba hìpìrìk welagep atì nen he, weak mene awe a'ma logousak lek o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

IBERANI 10:23

At oabùt he, “Wokhisegein,” ìlùk abok yogonisikeresik, ebe wo'nisikeregat atì, nit en he, “Eberogoat tip hogo wo'nisegein,” ìlùk apùnì ineilhanem ninane pak hogo ogorek mene atì iko motok logolìk, ning hogo hesogo logouok o.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

KALATIA 4:31

Mene re, nerùgì nagaiya'lak. Nit he, he atitigeke mene atì eagwì welago hùk. Lek o. We, agwe ebe mene atì eagwi welago o.

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

2 PETERÙT 2:19

Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

1 KORÌTÙT 16:13

Hinepe hebelogo logolìk he, hinetaùken Ala oba hìpìrethìlìk, metegat logoino o. Hinoabùt abat logolìk he, hinomamerogo logoino o.

ÙRÙM 7:6

Alep he, wene Ala nen ninasuk wasike wene a'nogo ba hele warek negen welagagu mane, Karìsùt wa'laga logolìk nit ninomat wa'lagagu atì ba, Ala nen hele hikalninapikomo welago. Yogotak he, Ala atitigeke logolìk, wene at en ninasuk wasike wene helal waganek mene nineileken enek hìthìkì logolìk, hagatì lagagu atì hak he, hagatì lago lek. We, Ala Areagùn nen ninoabùt ket mene haga'ninapo kolek, hagatì lago.

ÙRÙM 6:18

Hit he, weak hagatarek atì nen hakhisek were'ma, Ala nen hele hikalogo hikìlìk, at hesik higit hogo hagatì logouagalùk, awe a'ma hikasikomo welagep.

LAKSASIKE 15:10

Ala nen atì'nogo hagato kolegat he, hit en at oabùt paluogolùk ìkì lagep atì nenahalok. Wene atì ekin apik en he, ninopalak wanusak mea welagaukwa. Nen, nit en wanusak mea logolìgat he, hobuk it Yesùt ane wanha mene atì wanuagalùk egep atì nenahalok.

1 KORÌTÙT 7:22

At aike apùnì inatitigeke were'ma re, ninoe Etagepogot en ayoko hesikomo eperak hutik logolìk he, at agot alepmaat agasik werek. Nen, at aike re, alepma were'ma ayoko hesikomo, ninoe Etagepogot atitigekeat agasik werek o.

YURAT 1:3

Nerùgì nagaiya'lak. Hinebe netawì e. Wene Ala nen hit ninomat telninapike a'nogo hesik wene helal waganogo hinoba lakhei wesigìlùk na'la eberek motok welagarìk he, hobuk netaùken sebelusak mea agama re, wene mel hesik lakhei wagì atì. Atì re, it apùnì aike Ala ebe inabìt mene nit ninoake palek werek kolek nina'la ki wìrìk he, Ala oabùt hano nen wo'ninaperek mene atì, it en lagak hogo wene hùnogo mene yogohisìkì logolìk he, “Weak mene yùgùnat hagatì logousak,” ìlùk, ninoe Etagepogot Yesùt Karìsùt omame apik a'nogo ebe heraksìlìk, hagarì'lùgì atì. Atì'nogo hagarì'lùgì atì nen, Ala nen he, “Ùkùm tì'nogo inoba hegein,” ìlùk isikomo hageat en helal waganogo hesukwama werek. Wene Ala nen omake hesigat nit againapùrì wo'nisasikomo ninetaùken oba hìpìrìk welago atì mene, it atì nen legethouogolùk ikenem, hit en elele waganogo hinomamerogo hesogo logouageip ìlùk hina'la kagalogo lakhei wagì atì.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

EPESÙT 6:14

Hinom yabuageip en ìkìlìk metek logousak he, ebe re, yì: mùl pagaluk isu hak, wene ebe wene atìat ìtìk, hinamik oba labesu hak, Ala a'la walok mene nek hagatarek atì mene ìtìk,

ABÌKAKAN 2:25

We, an wesigin atì oan wagì'lek werek kolek, wene wanhigip mene atìat hineki ning hogo hesogo logoino o, ìlùk yogohisìgì atì.

IBERANI 4:14

Nit ninoe kain Ala esewerek Ala aput Yesùt pogot pelakha wagìk, pogot abel pokwe Ala were'ma lagasikesik nit hesik werek atì nen he, nit ninetaùken at oba hìpìrethìlìk ninane pak hogo ìkì lago mene atì, nineki ning hogo hesogo logouok o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

2 TESALONIKA 2:15

Ati nen, nerùgì nagaiya'lak. Wene nit en yakùlhisìkì logolìk ninane ba nen yakùlhisìgìk, helal waganogo hinoba lakhei wagìk, isugu mene atì, hineki ning hogo hesogo logolìk he, hinomamerogo metegat lngoino.

1 TESALONIKA 3:8

Atì'nogo logolìk, hit ninoe Etagepogot hinom hutik logolìk, ning hogo metek welagep atì nen, nit hogo yogotak ninetaùken yamuk ikomo welago.

KALATIA 4:26

Mene re, he okawerek agwe ebe mene hake, o Yerusalem pogot oba mene atì, nit ninagosaat o.

KALATIA 3:25

Ma re, yogotak ninetaùken Yesùt oba hìpìrethousak arat higit asi wagaikesi'mo nogo nen he, wene ninasuk wasike wene atì nen hobuk ha'nisek were'lek.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.

MATÌÙT 23:4

Sukwe ekin mene hele homagasogo inokawerek ineki hakahùk logolìk apùnì aike inomolo ba wanuagalùk yogoisagarek atì hak, it atì nen inokawerek hagatì'lek logolìgat, it aike nen hagasuagalùk wene ekin mene inoba hìlì'lùgì atì.

ÙRÙM 7:3

He aike nen he, agùn eluk werek kolegat he, ap aike wanhe halok, apùnì nen he, “Pailagat wanhe o,” ìlùk abok weak usagat o. Mene re, agùn ebe wa'laga halok he, wene Ala nen ninasuk wasike wene atì ba hele homago negen welagaika atì, arat hikalaga ìlùk, ap aike elok wanusagat o. Wanhenem he, “Pailak wanhe,” usak lek o.

2 KORÌTÙT 11:20

Atì'nogo hagatesep atì ba, hit hinebe it en inawe a'ma hikìlìk, hinapùrùk motok heleleng hogo nìkìk, hinagarok ineki abusak helìgìk, “Hit mea mene re, nit enek he, esin ìlùk,” inokawerek en sebirakìgì, hinelokoken lapuk hogo hinoatìk, iko kolek hinepe morogo welagep yoma rì!

LUKAT 5:38

Halok he, anggur eken amusu ket mene halok he, isoak ket meneat a'la hinasusak o.