KALATIA 4:8 - Ala Ane Wene Ket Mene Warogo Wo'ninapike Wene

⁸ Hit alebat he, Ala ebe hinokot welagagip atì nen, hùnogoat mene ebe Ala hake le'maat he, awe a'ma welagagip atì.

KALATIA 4:8 ပူးပေါင်းရင်းမြစ်များ

1 KORÌTÙT 8:4

Tùgì hareken ako waretarek atì re, tùgì hareken kweangma mene yoma ebe lek meneat, ìlùk ninelu. Ninopase Ala ebe omakeat. Aike lek o.

1 TESALONIKA 4:5

It apùnì etakwe mene, an nebe inokot logolìk inoba aiyage lagaikenem yùgùnat haksìlì'lùgì atìtì'nogo hagatì logousak lek.

1 TESALONIKA 1:9

It en wene mel ìlì'lùgìat: “It apùnì o Tesalonika mene nen, Paùlùt lak inebe woginabìk he, Eberogoat he, Ala eluk motok welagarek mene atìat o, ìlùk awe a'ma logolìk, at hesik hagatìk, at aput pogot oba nen pi wesigin atì ebe serogo welagìk, uogolùk he, tùgì hareken heraksìlìk, inelokwe hebelogo Ala wogosukwasik werek Ala nen aput wa'lagaikesi'mo eluguthesike mene, ebe Yesùt atìat o. Nen, Ala a'mage lagalìk ùkùm apùnì inoba hìkì logolìk, nit Yesùt atì nenat telninabìgìn o,” ìlùk, hinabok hano ìlì'lùgìat o.

1 PETERÙT 4:3

Hit alep he, hinoabùt it apùnì Ala ane inokot mene nen ina'la akalùk hagatarek atì hak, arat hagatì logolìk he, weak hinekalì legat hagatìk, hinetaùken nen nikenem pailak haksìgìk, pailak hakhinabuagalùk hagatìk, eken amusu weak mene nìlìk hinetaùken palek hagatìk, pesta nìlìk yùgùneke yaganeke hagatìk, amusu weak mene atì hinoba lagolegat nìkìk, tùgì hareken a'la kolo asinogo ìlùk, hogorasusak lek mene hogoratìk, ìkì lagagip atì.

1 KORÌTÙT 1:21

At Ala a'la motok kagalek atì nen he, mel isike: “Apùnì kweangma mene nen, inokawerek inawene kagauk hogo egarek atì nen he, an nebe inelu asusak mea o. We, it aike nen wene ebe wene yogoisìlìk nikenem, it apùnì kweangma mene nen akìkì logolìk he, Wene ati apùnì kepù mene nen egarek hake ìlì'lùgì, ìlùk iko kolegat he, it aike nen, Wene ati eberogoat, ìlùk akogoin mene halok, an nen telinabiginat o,” ìlùk oba lìok ìlìk okawerek enat isike.

EPESÙT 4:18

ina'la mùmat werek. Inetaùken helep hake abit en he, hano wene inokorat logolìk, Ala apùnì inelugurinaperek mene a'nogo inom hutik lek inapik mene welagaikarek atì.

1 KORÌTÙT 12:2

Hit alep ninoe Etagepogot hinokot were'ma, oabùt weak mene nen tùgì hareken ane lek mene oba hìpìrìk logouagalùk, we, komakwe heat wokhisek lìlìk he, nongothinapì lagaike atì hinelu.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

ÙRÙM 1:28

It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

LAKSASIKE 17:23

An o hit hinawì sili yoma nìkì logolìk, o wesa hagatì lagep obakwe neileken hìlìk nìkì logolìk, hareken aike awì wùrì'mo ako warogo hisegesep oba atoma helal mel ìlùk oba waganek were'ma neileken hìgì: Yì Walhobak ninokot mene hesik o, ìlùk helal waganek were'ma hìgì. Hit hinokot logolìk hogoratì lagep atì, ebe re, an nen sekek hogo yakùlhisak.

LAKSASIKE 14:12

Inane atì'nogo sup isukwasik he, Parenapat etage Seùt salhìk, nen, wene Paùlùt en ìkì lagaike atì nen, at etage Heremet salhìk, isukwa. Atì'nogo salinapukwa atì re, it en he, “Nit mene walhobak,” ìlùk oba hìpìrìk logolìk hogoratì lagaukwa mene inetage mene salinapukwa atì.

YOHANET 1:10

At enat pogot kweang elalhike meneat he, at ebe kweangma wagaikesik were'ma re, it apùnì kweangma mene yoma nen, at ebe hùthìgì'lek welagaukwa.

ÙRÙM 1:23

Inetaùken abit agaikesik he, Ala ebe hili agarek lek mene, hogorasusak mene atì heraksìlìk he, obùlù'mo re, hili agarek mene ineki nen apùnì-apùnì hagarogo hìgìk, sùe-sùe hagarogo hìgìk, wam-wam, paik-paik, yeke-yeke hagarogo hìgìk, walo-walo hagarogo hìgìk, ìlìk he, hogoratarek atì.

KALATIA 4:3

Ati hak he, nit ninetaùken akut were'ma, mokareke oabut weak mene kweangma yoma eki ba welagarek mene nen awe a'ma hinìlìk welagaike atì.