KALATIA 4:12 - Ala Ane Wene Ket Mene Warogo Wo'ninapike Wene

¹² Nerùgì nagaiya'lak. An nebe alep he, hit hakeat haga'lagagisik welagìrek yì hak, hit hogo re, an hakeat arìk noabùt wanino. Alep he, hit en aike weaga'napì'legat.

KALATIA 4:12 ပူးပေါင်းရင်းမြစ်များ

2 KORÌTÙT 2:5

Ap aike atì nen nina'la weagathesike atì re, an enek na'la weagathesike hùk. Atì hit obogat hina'la weagathesike usak meneat he, ap inoabùt atìgìnìk mene halok, hinebe logolegat en ap atì asuk warogo ùkùm oba hesigip atì arat, Halok he, an hobuk nane ning hogo ùkùm oba housak he, nabìt.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

KALATIA 2:14

Atì'nogo wùlùpukwama re, an na'la nen, “Wene eberogoat, hano wene yì meneat he, it inoabùt he, hano wene yakùlisìkì logolìk hagasusak mene hagarì'lùgì lek hìgì,” ìlùk, apùnì obogat ineilhanem Peterùt wene mel ìlùk yogosigi: “Hat hebe Yahuri meneat he, apùnì Yahuri mene hagatarek hak hagatì'lek, apùnì etakwe mene nen hagatarek hak hagatì logolìgat, it etakwe mene yogoisìkì logolìk he, Hit hinoabùt apùnì Yahuri mene hagatarek hak, inoabùt waganogo hagatì logoino, ìlùk ning hogo yakùlisìkì lagen atì nenahalok,” ìlùk, pak hogo wenagasigi.

2 KORÌTÙT 6:13

Halok he, hit en lagak hogo nit hesik hina'la healini o, ìlùk an nokawerek nagainapùrì yogoisa hak yogohisìgì atì.

LAKSASIKE 21:21

Atì'nogo hagatì logolìk, hat habok inasuk holha. Hat en, apùnì Yahuri mene it etakwe mene ina'lakwe welagaikarek mene atì yogoisìkì logolìk he, Wene Musa nen yakùlnisasike wene a'nogo heraksìlìk he, hinagainapùrì inogat inekalìma mene palhì'lek hebisìgìk, apùnì Yahuri mene hagatarek mene a'nogo hagatì'legat, hebisìgìk, ìkì logoino o, ìlùk yakùlisìlì'logo, ìlùk habok inasuk holha o.

KALATIA 6:18

Nerùgì nagaiya'lak. Ninoe Etagepogot Yesùt Karìsùt oabùt hano a'nogo nen hinetaùkenma logolìk eberogoat sethisek logouak u hak, “Amin,” ìgì atì.

2 KORÌTÙT 6:11

Atì'nogo logolìk he, hit apùnì Korìtùt mene, nerùgì nagaiya'lak. An na'la wene aike sebelhìgì'lek motok pak hogo yogohisìgì atì. Ma re, hit hesik an na'la healek welagì.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

KALATIA 4:13

Emakum an noba ou wanhìgi atì nen hano wene yakùlhisasigi a'nogo hineluat o.