KALATIA 3:8 - Ala Ane Wene Ket Mene Warogo Wo'ninapike Wene

⁸ Hageat wene ebe atì'nogo oan haga'lagì'lek werek kolegat, it apùnì etakwe mene inetaùken Ala oba hìpìrethìkenem, at an he, “Ùkùm hinoba mene korogo wokhìlìk ninom hobuk hinapotkwe hùnogo hikegein o,” ìlùk, wene hano wene oan yogoisìgì'lek logolìk, Aberaham tak wene abok mel ìlùk yogosike: “Yì apùnì tì apùnì obogat an nen hanorinabigin atì, ero harat o,” ìlùk isikomo, helal waganogo hesukwa.

KALATIA 3:8 ပူးပေါင်းရင်းမြစ်များ

IBERANI 4:2

Wene hano wane atì it alep yogoisasike atì hagat, nit atì'nogo yogonisasikeat. Mene re, wene yogoisasike mene atì, it inasuk holhukwasigat he, hùthìgì'lek hagatì lagaukwa atì ba, wene atì it hesik he, mea agaike atì.

KALATIA 3:22

Ala ane ba helal waganogo hìkì logolìk he, “Apùnì hinebe obogat weak hagatì lagep mene atì ba, hineki hele homago hake welagep,” ìlùk, yogonisasike atì, nit ninetaùken Yesùt Karìsùt oba hìpìrethoumo, Ala nen abok isike mene a'nogo re, nit ninetaùken at oba hìpìrethogoin mene hùgì wo'nisagalùk isike atì.

KALATIA 3:16

Wene atì hak he, at Ala nen Aberaham yogotì logolìk he, “Hat tì'nogo wokhetìk, nen, hat en tagokwe mene aike tì'nogo wogotik, ìgìn o,” ìlùk, abok yogosike atì. Inebe apigat hesik u hak he, “Hat en tagokwe mene aike tì'nogo wogisegein,” ìlùk, ìgì'lek. We, ap ebe omakeat mene hesik, “Hat en tagokwe mene aike tì'nogo wogosigin,” ìlùk, abok yogosike atì ebe re, Karìsùt mene hesik isike.

YOHANET 7:38

Nen, sa nen etaùken an noba hìpìrethike halok he, i inelugurinaperek mene at a'la nen elesi huluk-huluk palogo wùlìpì logogin o, ìlùk Ala ane helal waganek oba isukwa hagat haga'lasigin o,” ìlùk,

ABÌKAKAN 11:15

Atì'nogo isìgìrìk oba nen, it malaikat inebe 7 nen amanogo, inebe 6 oba inapìkon arat anethagasik oba nen, aike apìkon anethikenem he, pogot oba nen inane hùkorogo yì'nogo ikenem holhì: “Alep apùnì kweangma mene nen inawe a'ma hisìlìk hagisek welagaukwa mene re, yogotak ninopase Etagepogot Ala nen ninoe Karìsùt en telninabuagalùk menhesike mene a'nogo eperak en inawe a'ma arat hinagasik, at Karìsùt en ha'nisek moto'-motok logogin o,” ìlùk ìkì lagaika.

ÙRÙM 9:30

Atì halok he, nit en nìkì'nogo ugun? Mel usak. It apùnì etakwe mene nen ùkùm inoba mene Ala nen korogo wokhìlìk, inapotkwe inom hùnogo hisoagalùk hagasusak mene aike ning hogo hagatì'lek. Meneat he, inetaùken Yesùt oba hìpìrethesukwama re, Ala nen ùkùm inoba mene korogo wokhìlìk, hobuk inapotkwe inom hùnogo hisasike.

ÙRÙM 9:17

At Ala nen kain Piraùn mel yogosike: “An nen yì hesigat menhagagì o. Apùnì nen an nomame inelu agìk, netage o yì awì tì awì yogoisìlìk lagìk, uagalùk menhagagì o,” ìlùk yogosikomo Ala ane helal waganek a'nogo ba helal waganogo hesukwa.

KALATIA 4:30

Mene re, Ala ane helal waganek atì ba wene nena isike nogo. Mel isike akìgì: “He hagwe ebe mene eak atì nen hat hamìnìngeke ese asigin hak, at he hatitigeke mene eak atì nen, hamìnìngeke ese asigin lek o. Halok he, he hatìtigeke mene atì eak eperagat mùk hogo wulaksano!” ìlùk yogosikomo helal waganogo hesukwa.

YOHANET 7:42

Apùnì telninabigin mene Ala nen lakhei wesigin isike mene atì re, ap Taùt en tagokwe mene, at Taùt okawerek awì eroma welagaike ba, o Pe'lehem atoma ta'lasigin, ìlùk Ala ane ba helal waganogo hesukwama werek a'nogo lek?”

YOHANET 19:37

Nen, aike re: “At ebe sìge taluk wathìlìk ineileken logogun,” ìlùk, isukwama Ala ane ba helal waganogo hesukwa mene were'ma ebe asuagalùk atì'nogo hagasukwa atì.