KALATIA 3:5 - Ala Ane Wene Ket Mene Warogo Wo'ninapike Wene

⁵ Halok he, nìkì'nogo ugun. Hit en wene Ala nen ninasuk wasike wene a'nogo higit hogo hagatì lagagip oba, at Areagùn hùkorogo wokhisìgìk, hagasusak lek mene elalinat hagathinapìk, ìlì'logo nogo a? At he, nit en hano wene yakùlhisasugumo holhigisip, eberogoat ìlùk, hinetaùken Karisùt oba hìpìrethesigip atì ba wokhisìlì'logo nogo a.

KALATIA 3:5 ပူးပေါင်းရင်းမြစ်များ

KALATIA 3:2

Wene Ala nen ninasuk wasike wene a'nogo higit hogo hagatì lagagip atì ba Ala Areagùn wokhisasike a? At he, nit en hano wene yakùlhisasugumo holhigisip he, “Eberogoat,” ìlùk hinetaùken Karìsùt oba hìpìrethesigip atì ba wokhisasike a. Wene omakeat atìat yogone'ni ta.

2 KORÌTÙT 13:3

Hit en he: “Paùlùt atì re, Karìsùt a'la logolìk ìlì'logo he a? Lek he a,” ìlùk noabùt paluogolùk egep atì re, nebe waganem enagat hùthanugunat o. At Karìsùt hit hagatesep atì hesik ebe maben nen obaken nene kamo ikerek hùk. At hit hinom logolìk omameat werek o.

LAKSASIKE 14:3

Ina'la atì'nogo kagalho kolegat he, at Paùlùt Parenapat eperak ineki logolegat o atoma inayù'lek hogoat logolìk he, wene ninoe Etagepogot hagatì lagaike wene atì yogoisìkì lagaukwa. Yogoisìkì logolìk, Ala oabùt hano nen wo'nisikerek wene atì, “Eberogoat,” ìlùk hùthoagalùk yogoisikenem, it en hagasusak lek mene elalinat hagarinapì logouagalùk, Ala nen inomamerinapì lagaike.

2 KORÌTÙT 12:12

Hit en he, “Paùlùt he, Karìsùt en ayoko hìlìk lakhei wagaikomo,” ìlùk enagat hùthanuagalùk, an ninom logolìk yì hesik tì hesik nepe morogo hagato were'ma, apùnì nen hùthoagalùk, Ala nen omamerogo yì mene tì mene elalinat hagatì lagaike.

2 KORÌTÙT 10:4

Nit weim yapì lago atì ebe re, apùnì inasike inarìge ba yapì lago hùk. We, Ala omame apik welagarek mene a'nogo asike arìge ba, o weim kat oba ning hogo wùrìk mene atì, elok mesalusak atì ba yapì lago. It apùnì aike ina'la nen he, “Ala atì ebe ninabìt. It apùnì aike at ebe inelu asusak legat o,” ìlùk inokawerek en hogorakagarek mene atì, nit en sike sìge atì ba re, elok mabenetsasagat o. Nen, apùnì inetaùken we mene oba eberì'lùgì mene atì, nit en sike sìge atì ba Karìsùt ane hologo hagasuagalùk awe a'ma elok hisa wesusagat o.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

1 KORÌTÙT 12:10

Nen, at aike yì mene tì mene elalinat hagatì logouagalùk wogotìk, at aike nen Ala ane yogoisìkì logouagalùk wogotìk, at aike nen ìkì logolìk he: “At atì Ala Areagùn a'la logolìk hagarì'logo, ìgìk, weak mene areagùn a'la logolìk hagarì'logo, ìgìk,” enagat penetì logouagalùk wogotìk, at aike nen inane okot mene elalinat ìkì logouagalùk wogotìk, at aike inane inokot mene ikenem, at asuk holìk he, “Ebe yì'nogo mene hesik ike,” ìlùk it inane ba higit hogo yogoisìkì logouagalùk wogotìk, inebe lopok wogisikerek atì.

ÙRÙM 10:17

Mene re, hano wene atì, Karìsùt abok yogoisa laganemat inasuk holharek o. Nen, wene inasuk holìlùgat, inetaùken at oba hìpìrethagarek o.

2 KORÌTÙT 9:10

At Ala nen it awì yatarek mane awì wogisìgìk, sùpùrùk ebe noagalùk wogisìgìk, ikerek atì. Atì'nogoat, at enat, awì yasuagalùk palisagarek hak, hinoabùt it aike leberisìkì logousak atì mene wokhisìgìk, nen awì yatenem eken hukorogo isu hak, it aike hinetawì nen leberisikenem hùkothigìk, igin o.