At Ala nen he, Aberaham mel yogosike: “Kweangma o yì awì tì awì obogat he, hat mel, hat en tagokwe mene mel, hinom esewerek asugun o,” ìlùk abok yogoisasike. Atì'nogo yogoisasike atì re, wene at en ninasuk wasike wene a'nogo hologo higit hogo hagatì lagaukwa ba yogoisasike hak. Lek o. We, at etaùken Ala oba hìpìrethesikomo, at Ala nen he, “Ùkùm hoba mene korogo wokhìgìrìk, hapotkwe neperak hùnogo hagagì,” ìlùk yogosike atì ba kweang abok yogoisasike atì.
KALATIA 3:16 - Ala Ane Wene Ket Mene Warogo Wo'ninapike Wene16 Wene atì hak he, at Ala nen Aberaham yogotì logolìk he, “Hat tì'nogo wokhetìk, nen, hat en tagokwe mene aike tì'nogo wogotik, ìgìn o,” ìlùk, abok yogosike atì. Inebe apigat hesik u hak he, “Hat en tagokwe mene aike tì'nogo wogisegein,” ìlùk, ìgì'lek. We, ap ebe omakeat mene hesik, “Hat en tagokwe mene aike tì'nogo wogosigin,” ìlùk, abok yogosike atì ebe re, Karìsùt mene hesik isike. အခန်းကိုကြည့်ပါ။ |
KALATIA 3:16
28 ပူးပေါင်းရင်းမြစ်များ
Halok he, Ala oabùt hano nen welegat wo'nisikerek, ìlùk uagalùk he, ninetaùken at oba hìpìrethikenem abok isike mene atì, wo'nisikerek atì. Nit at en tagokwe mene wene Ala nen ninasuk wasike wene atì hologo higit hogo hagatì logolìk, ninetaùken Ala oba hìpìrethogorek mene hùgì nek wo'nisikerek hùk. We, Aberaham it aike ninom obogat ninopasema re, it atì at Aberaham etaùken Ala oba hìpìrethesike atì hak, inetaùken Ala oba hìpìrethagarek mene hùgì wogisikeregat o.
Hageat wene ebe atì'nogo oan haga'lagì'lek werek kolegat, it apùnì etakwe mene inetaùken Ala oba hìpìrethìkenem, at an he, “Ùkùm hinoba mene korogo wokhìlìk ninom hobuk hinapotkwe hùnogo hikegein o,” ìlùk, wene hano wene oan yogoisìgì'lek logolìk, Aberaham tak wene abok mel ìlùk yogosike: “Yì apùnì tì apùnì obogat an nen hanorinabigin atì, ero harat o,” ìlùk isikomo, helal waganogo hesukwa.
Ala nen wene wa'nisasike mene it ap alep at ane yogoisìkì lagaukwa mene amanogo nen yogoisìkì lagaukwa atì, hit hesigat o. Nen, Ala nen nit ninopalak wene warogo woginapike atì, hit hesigat o. At Ala nen Aberaham yogotì logolìk he, Hat en tagokwe mene atì ba apùnì kweangma mane yoma yì apùnì tì apùnì inùkùl etage lopok hanorinabigin o, ìlùk wene waresike.
Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.
Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.
It apùnì Isirael mene ebe Isirael Ala nen wenaginapike mene atì nen he, at againapùrì asuagalùk woginapìk, at Ebe hogoratarek mene atì irat yakùlisìgìk, wene warogo irat woginapìk, wene ninasuk wasike wene a'nogo irat wogisìgìk, “An yì'nogo hogo'napì logoino,” ìlùk irat yakùlisìgìk, “Hobuk tì'nogo hagathinabigin,” ìlùk abok irat yogoisìgìk, isike atì.
Halok he, wene Ala nen ninasuk wasike atì nenahalok. Atì re, nit apùnì weagat hagato welagagu mene atì hukalasuagalùk, ninasuk hobuk wasike atì. Mene re, wene atì Aberaham en tagokwe mene aike wogosigin ìlùk, abok yogosike a'nogo, ebe oan ta'lagì'lek werek kolek elama hesik wene ninasuk wasike wene a'nogo, malaikat en Musa yogotenem at ebe hùlìsanem logolìk, apùnì yakùlisoagalùk he, malaikat inayoko hìlìk laksa wagaike atì.
ကြော်ငြာတွေ