KALATIA 2:2 - Ala Ane Wene Ket Mene Warogo Wo'ninapike Wene

² Atì'nogo lagagu atì re, Ala nen, “Hat o Yerusalem at lagousagat o,” ìlùk na'la yogonesike atì nen lagagisik he, hano wene atì it apùnì etakwe mene yogoisìlìk nìgìrek atì. “Wene ebe tì'nogo,” ìlùk sekek hogo yogoisagalùk he, an hageat en, yogotak ya nen, ning hogo hagatì lagì mene atì, we tùlemat haga'lasinogo ìlùk he, it inogogì mene inebe inalepma hisìlìk yogoisasìgì.

KALATIA 2:2 ပူးပေါင်းရင်းမြစ်များ

KALATIA 2:6

It aike ina'la nen he, “Inetagewerek he, it atem,” egarek mene atì nen wene an yogoisìlìk nìgìrek mene a'nogo hobuk hùnogoat yogoisìlìk nìkì logouak en ìlùk yogonetì'legat. Ala nen apùnì inogat etakwe nek eileken isìlìk he, “Yì weak. Yì hano,” ìlùk ikerek lek atì nen, an it atì hesik alebat inetagewerek welagaika mene he a? Lek mene he a, ìlùk, wenesùgì ebetì lagagi lek atì.

PILIPI 2:16

Atì'nogo hagatì logolìk, yì mene tì mene sùpùrogo wogisùogolùk ìnùgisagarek hak, wene apùnì inebe inelugurinaperek wene atì yogoisìlìk nìkì logoino. Atì'nogo yogoisìkì logogun halok, at Karìsùt wesigin atì sat, an nen, “Mep lagai'-lagak hogo nomamerogoat hagatì lagagi mene atì we tùlemat alemarogo hagatì'lek. We, Karìsùt hesik elok hagarogo hisìgìma,” ìlùk nalong asìgìn atì.

1 TESALONIKA 3:5

Atì nenat, at Ibilit nina'la kagalherek mene a'nogo nen hina'la kagak wesumo, nit en hit hesik set kalogo hagatì logagu a'nogo tùlemat alema'lasusak atì nabìt e, ìlùk nalabut hìrogo logolìk, netaùken sebelusak mea agama re, “Inetaùken Karìsùt oba hìpìrìgat werek a? Lek a,” ìlùk at Timotìùt en hinoabùt palìk he, yogonesi wesuagalùk, hinoba lakhei wagì atì.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

1 KORÌTÙT 9:26

Atì nenat, an laga lagì atì re, ka legein he, yùgùnat laga lagì hùk. Nelokwe tùkùm laga lagì o. Atì hagat he, apùnì ineki yìkìlogo at aike nen aike watìk, aike nen aike watik, ìkì logolìk alemarogo wele'ma inoatarek lek atì hak, an we yùgùnat hagatì lagì hùk.

1 KORÌTÙT 1:23

nit enek he, Karìsùt e ba menhìlìk wasukwa wene a'nogoat yogoisìkì lago. Yogoisikenem he, it apùnì Yahuri mene nen, “Wene atì weak,” ìlùk kobologo heraksìgìk, nen, it apùnì etakwe mene nen he: “Wene atì, apùnì kepù mene nen egarek hake ìlì'lùgì,” ìlùk hebisìgìk, ìlì'lùgì o.

1 KORÌTÙT 9:24

Sa awewerek sa awewerek lùogolùk he, inebe logoin mene atì, inebe obogat lagaikarek meneat he, omakeragùn tak lìlì'mo oko hano mene wogotarek ìlùk hinokot nogo? Atì hagat, oko hano mene wokhisoagalùk he, humusek hinomamerogo laga logoino o.

1 KORÌTÙT 2:2

An hit ninom logolìk he, na'la nen wene welek mene ebetì'lek, we, at Yesùt Karìsùt hesik ebetì logolìk, esik he, at ebe e ba menhìlìk wasukwa wene atìat ebesigin o, ìlùk na'la akasigi.

LAKSASIKE 15:12

Atì'nogo yogoisasikomo, it apùnì logolek amanogo inane ìgì'lek kamo isukwa. Atì'nogo kamo isukwama, Parenapat Paùlùt eperak en wene yogoisìkì logolìk he, “It apùnì etakwe mene wene yogoisikenem hùthoagalùk, nit en elalinat hagarinabìk nìkì lagosik wago atì, ebe re, Ala nenat hagarinapì laga o,” ìlùk pìlìngìrogo yogoisiko kolek, inasuk hologo welagaukwa.

LAKSASIKE 15:4

It a'nogo o Yerusalem lagaukwama re, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, it Ala againapùrì aike atoma inebe atogotì lagaukwa mene mel, inom en, hai warogo woginapukwa. Woginapukwama, it en he, “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisasukwa.

PILIPI 2:29

At ebe waganem he, ninoe Etagepogot hinom hutik logolìk he, hina'la hai hakìkì logolìk at ebe wanino. Hit en nìkì'nogo lebe'nea heat atì nen, hinobùlù'mo at en lebe'neagalùk he, “Nebe wa'lagì halok hanoat o,” ìlùk, Karìsùt hesik hagatì logolìk wa'la'lep mene atì. It apùnì aike inoabùt at hagaterek hak hagarì'lùgì mene halok hinane agauk hogo yogoisìkì logoino o.

KALATIA 1:16

Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.

LAKSASIKE 18:9

Atì'nogo hagasukwama, ineki aike o hùako ninoe Etagepogot en Paùlùt abìkakan oba wene mel yogosike: “Hayùk agùn. An setharek motogat welagì. O yoma an nagainapùrì inebe apigat were'ma re, apùnì aike nen weagathabuogolùk yì'nogo tì'nogo aike hagathabugun lek o. Halok he, kamo ìgì'lek wene yogoisikoat logoino,” ìlùk yogosike.

LAKSASIKE 5:34

Inoasuogolùk isukwa meneat he, ap aike it Parisi mene inawene hesogo logolìk, it inom wene ero pìlìngìtì lagaukwa mene etage Kamaliel. At atì wene Ala nen ninasuk wasike wene a'nogo yakùlisikenem, apùnì obogat en, “At hano,” ìlùk inane agauk hogo yogotì lagaukwa mene. At atì melagaikesik he, mel yogoisasike: “Ap ineki hele warek mene yì, elama hesik eta'ma logouak en wulaksani,” ìlùk yogoisasike.

MATÌÙT 10:16

Atì'nogo yogoisasikesik he, aike mel yogoisasike: “An nen, hit he, hinoabùt wam topa wam oabùt hake mene, it apùnì inoabùt yeke lo yeke oabùt weak mene hake mene inekele'ma heak hogo lakhikegeinmo atì re, hinoabùt walo oabùt hibik-hebek hogo hagaterek atì hak hagatìk, sùe pel oabùt enago welagarek atì hak welagìk, ìkì logoino.

LAKSASIKE 15:2

Wene atì'nogo yakùlisasukwama, at Paùlùt Parenapat eperak en it ap atì mel yogoisasukwa: “Hit en egep atì motok kolo egep o,” ìlùk, inom wene palhìk, serep agìk, apigat isukwa. Wene atì'nogo serep agaukwama re, it atoma mene nen he, Paùlùt Parenapat eperak, it aike inomat o Yerusalem lìlìk he, it ap Yesùt en inebe weteberogo inayoko hìlìk laksasike mene amanogo mel, it ap Ala againapùrì hagisek welagaukwa mene mel, inom en wene atì hesik haluagalùk laksùogolùk isukwa.

ÙRÙM 9:16

Ala nen atì'nogo ikerek atì re, apùnì ina'la nen hano ìlùk akìlìk, it an aike ning hogo hagarì'mo nen, etawìrinaperek lek. We, at Ala oabùt hano nenat etawìrinabìk inebe woginaperek atì.

2 KORÌTÙT 12:1

An hogorakìlìk waga lagì mene atì re, usak lek meneat he, hogorakegeinat o. Ninoe Etagepogot en an neileken hoagalùk yogonetomo nabìkakan oba hìgìk, nabìrùgì ba hìgìk, hasigi mene igin o.

KALATIA 1:6

At Ala nen he, hit Karìsùt oabùt hano mene a'nogo hinom hutik logouageip ìlùk hinayoko hesike meneat he, heraksalùk hepogat kwanìrogo hano wene salek hùnogoat mene oba ebesi laga lagep atì, an nayùk arì'logo.

KALATIA 1:12

Wene atì, apùnì nen wo'netik, yakùlnetìk, isukwama wanhìgi hùk. We, wene atì, at Yesùt Karìsùt a'la hinago welagaike mene, at enat pak hogo yakùlnesikomo wanhìgi o.

KALATIA 5:7

Apùnì sa awewerek sa awewerek lagaikarek hak, hit hageat he, ebe wene atì hesik hinoabùt akiluk hogo hagatì lagagip meneat he, hobuk sa nen hina'la kagalhì lagama ebe wene atì hologo higit hogo hagatì'lek, hina'la pùk welagep nogo.

2 TIMOTÌÙT 4:7

Sa awewerek, sa awewerek lagaikarek hak, an netaùken Ala oba hìpìrìk motok logolìk, at hesik nomamerogoat hano hagarìk waga lagarìk he, hùlì ba arat asi wagì o.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.