KALATIA 2:12 - Ala Ane Wene Ket Mene Warogo Wo'ninapike Wene

¹² Atì re, mel hagatì lagaike ba wenagasìgì. Alebat, at Yakobùt en agoromì laksa wagaike mene oan wagì'lek werek kolek, at Peterùt a'nogo it apùnì etakwe mene inom sùpùrùk lapuk hogo nìkì lagaukwa. Mene re, it wagaukwasik oba nen, at Peterùt a'la nen he, “Nit ninogat ninekalìma mene palek mene aike nen nena yogonesugun,” ìlùk, ayùk en, it inom sùpùrùk nìkì'lek kamo ìlìk hek hogo wùlìpike atì.

KALATIA 2:12 ပူးပေါင်းရင်းမြစ်များ

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

EPESÙT 3:6

Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

KALATIA 2:9

Atì'nogo hùthinasukwasik he, it Yakobùt mel, Peterùt mel, Yohanet mel, Ala againapùrì nen he, “Nit ninogogì it werek,” ìlùk egarek mene nen he, “Hit en he, wene apùnì etakwe mene yogoisìlìk lano. Nen, nit en he, apùnì inogat inekalìma mene palek mene hesik yogoisìlìk logoin. Ninom hutigat hagatì logouok,” ìlùk he, Parenapat neperak nineki hak-hak hai wa'ninapukwa.

1 TESALONIKA 5:22

weak mene yì weak tì weak halok, obogat hagatì'lek logoino.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.

LAKSASIKE 12:17

Hogoratenem, at en he, “Hinane ùgùp o,” ìlùk eki map isike. Eki map ìlìk he, “Neki hele warek were'ma, ninoe Etagepogot en hikalogo wulakhani wagama wagì o,” ìlùk wene pìlìngìrogo yogoisasike. Atì'nogo yogoisasikesik, “Yakobùt mel, nerùgì nagaiya'lak Ala againapùrì aike inom, wene yì yogoisa lano o,” ìlùk yogoisalùk he, at ebe o ninmo lagaike.

KALATIA 2:14

Atì'nogo wùlùpukwama re, an na'la nen, “Wene eberogoat, hano wene yì meneat he, it inoabùt he, hano wene yakùlisìkì logolìk hagasusak mene hagarì'lùgì lek hìgì,” ìlùk, apùnì obogat ineilhanem Peterùt wene mel ìlùk yogosigi: “Hat hebe Yahuri meneat he, apùnì Yahuri mene hagatarek hak hagatì'lek, apùnì etakwe mene nen hagatarek hak hagatì logolìgat, it etakwe mene yogoisìkì logolìk he, Hit hinoabùt apùnì Yahuri mene hagatarek hak, inoabùt waganogo hagatì logoino, ìlùk ning hogo yakùlisìkì lagen atì nenahalok,” ìlùk, pak hogo wenagasigi.

LUKAT 5:38

Halok he, anggur eken amusu ket mene halok he, isoak ket meneat a'la hinasusak o.