KALATIA 1:8 - Ala Ane Wene Ket Mene Warogo Wo'ninapike Wene

⁸ Mene re, sa nen, it ap atì nen a, nit en a, malaikat pogot oba mene nen a, hano wene nit en yogohisasugu mene atì, heraksìlìk hùnogo mene, yogohisogoin halok he, Ala nen homan hisoagat o.

KALATIA 1:8 ပူးပေါင်းရင်းမြစ်များ

KALATIA 1:9

Ati re, wene hageat yogohisasigi hak, hobuk aike yogohisak. Apùnì sanì nen wene hit wanhìgip mene a'nogo heraksìlìk hùnogo mene aike yogohisa wago halok he, Ala nen homan hisoagat o.

1 KORÌTÙT 16:22

At aike nen, ninoe Etagepogot etawì lek halok he, Ala nen at atì ebe homan houak o. Mene re, ninoe Etagepogot hepok eme o, u hak, Maranatha, ìlùk ìgì atì.

MATÌÙT 25:41

“Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.

2 PETERÙT 2:14

It ap atì, ineilmo re, hìmì pailak haksìkì logousak mene peserek logolìk, inabìt hìgì'lek weak hagato motok logogun atì. Atì'nogo hagatì logolìk, apùnì Ala ane kerat wìlìk, inetaùken abolok werek mene lalinapì logogun atì. Inoabùt he, “Yì mene tì mene nit enek wo'nisanìk,” ìlùk ìkì logouogolùk hageat en yakùlhukwasik he, atì meneat inelu logolìk hagatì logogun atì. Atì'nogo hagatì logogun atì nen, Ala nen homan hisìlìk weagarinabigin werek o.

LAKSASIKE 23:14

Atì'nogo isukwasik, ap Ala esewerek inogogì kaintek amanogo mel, inalùgetek amanogo mel, inoba lìlìk he, mel yogoisasukwa: “At Paùlùt ebe oan watì'lek logolìk, yì mene tì mene nogoin lek, ìlùk, hopuk palogo nen ìlùk wago.

TITUT 3:10

It aike nen, Ala againapùrì mene it-it inom weak asuagalùk, hagarì'lùgì mene atì, inasuk emakum warìk he, hobuk wa'no. Atì'nogo wasigin mene, inasuk holhì'lek halok, hinom hutik logogùp o.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

1 KORÌTÙT 12:3

Wene yì hinelurogo yogohisak. Apùnì Ala Areagùn ina'la were'ma re: “At Yesùt Ala nen weagathouak o,” ìlùk, homan housak mea o. Nen, Ala Areagùn ina'la lek halok he: “Yesùt he, an noe Etagepogot,” ìlùk usak meat o.

MAREKÙT 14:71

at en he: “Hit en ap abok ìkì lagep atì, ebe an nokot o. Nopase Ala oak! Napeliagat ìgì halok, at en noasuak o,” ìlùk labelhike.

KALATIA 3:10

Nen, Ala nen mel isikomo helal waganogo hesukwa: “Wene an nen inasuk wasigimo helal waganek werek atì obogat apùnì inasuk holìk he, higit hogo hagatarek lek halok, inebe lopok homan hisegein werek o,” ìlùk isikomo, helal waganogo hesukwa hak, it apùnì aike nen wene Ala nen ninasuk wasike wene a'nogo higit hogo hagasuogolùk, inetaùken atì ba hìpìrethìlìk welagaikerek mene hùgì, Ala nen homan hisegein weregat o.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.