KALATIA 1:6 - Ala Ane Wene Ket Mene Warogo Wo'ninapike Wene

⁶ At Ala nen he, hit Karìsùt oabùt hano mene a'nogo hinom hutik logouageip ìlùk hinayoko hesike meneat he, heraksalùk hepogat kwanìrogo hano wene salek hùnogoat mene oba ebesi laga lagep atì, an nayùk arì'logo.

KALATIA 1:6 ပူးပေါင်းရင်းမြစ်များ

2 KORÌTÙT 11:4

It aike hinoba wìrìk he, nit en hano wene Yesùt hagasike wene yogohisasugumo wanhigip hak, yogohisìgì'lek. We, hùnogo mene yogohisikenem he, Ala Areagùn wanhigisibat he, hobuk aike mene areagùn wanhìk, hano wene wanhigisibat he, hobuk wene hùnogoat mene wanhìk, hina'la hairogo wanhì lagep hisìkì lagì o.

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

1 KORÌTÙT 4:15

Hit Karìsùt hinom hutik were'ma re, ap wene yakùlhisìlì'lùgì mene inebe 10.000 apigat werek meneat he, hinopase re, apik hùk. We, inagainapùrì taginaparek hak, an nenat wene hano wene atì yogohisa wagagisik Karìsùt Yesùt hinom hùnogo hikasigimo welagep atì ba, hinopase naligat agagisik welagì o.

LAKSASIKE 15:11

At ninoe Etagepogot Yesùt oabùt hano nen he, ninetaùken at oba hìpìrethikenem, nit telninapìk, it telinapìk, ninom higit hogoat telninaperek atì,” ìlùk yogoisasike.

KALATIA 5:4

Hit aike nen he, “Wene Ala nen ninasuk wasike wene atì ba hakothìlìk, at en he, ùkùm ninoba mene korogo wokhìlìk, ninom hobuk ninapotkwe hùnogo hinanuak,” ìlùk hagatì lagep halok he, Karìsùt hinom hek egesip he, at Ala oabùt hano nen wo'nisikerek mene a'nogo heraksalùk wùlùpep atì.

ÙRÙM 10:3

It be, Ala nen ùkùm inoba mene korogo wokhìlìk hobuk inapotkwe inom hùnogo hisoagalùk, at awe a'ma kìlìk logolìk hagasusak mene inokot en hagatì'lek welagaukwa. We, inokawerek ina'la nen akalùk inomamerogo hagatì lagaukwa atì.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.

ABÌKAKAN 22:21

Nen, hit Ala againapùrì o yì awì tì awì atogobesep mene obogat, nerùgì, nagaiya'lak. Ninoe Yesùt oabùt hano a'nogo nen hakhisek logouak o.

2 TIMOTÌÙT 2:1

Timotìùt naput e. Nit Karìsùt Yesùt ninom hutik were'ma, Ala oabùt hano nen wo'nisikerek mene atì ba hetaùken wurik hogo logoino.

2 TIMOTÌÙT 1:9

At Ala nen ninebe telninapìk, at okawerek againapùrì asuagalùk ninayoko hìgìk, isike atì re, nit en aike hagasugu ba ninayoko hesike hùk. At he Ala oabùt hano nen, emakum yì mene tì mene oan elalhì'lek logolìk, hobuk Karìsùt Yesùt hagasigin oba hano'ninabigìlùk, okawerek a'la akalùk ninayoko hesike atì.

2 TESALONIKA 2:14

Ninoe Etagepogot Yesùt Karìsùt hogorato motok welagaikarek hak, hit atì'nogoat hinom hogothinabuagalùk, Ala walok en hano wene nit en yogohisa wagagu atì ba, hinayoko hesikomo welagep.

ÙRÙM 5:2

Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.

YOHANET 9:30

at en he, mel yogoisasike: “Egi! Nayùk e. Ap atìi nen, an neileken hano haga'nape meneat he, hit en, At ebe o koma nen waga mene he, nit ninokot, ìlùk ìkì lagep atì, elalin hogoat ìkì lagep ù.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

1 PETERÙT 1:15

At Ala nen he, “An noabùt weak hagatì'lek keksek motok welagìrek atì nen, hit hogo re, an hesik hinoabùt keksek motok logoino o,” ìlùk isikomo helal waganogo hesukwa atì nen, hit en yì mene tì mene hagatì logolìk, hinoabùt at Ala hinayoko hesike mene oabùt hakeat keksek motok logolìk hagatì logoino o.

MAREKÙT 6:6

Hagarinapikesik he, it apùnì atoma mene nen at ebe ina'la meathesukwa atì hesik, at a'la nen, “Egi! nayùk e,” ìlùk akasikesik he, hobuk o atoma era'lukwe o wùrìkkwe wane yakùlisìlìk nìkì lagaike.

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

ÙRÙM 8:30

Alebat Ala nen ninebe wena'ninapike mene hùgì, ninayoko hesike. Atì'nogo ninayoko hesike mene hùgì, ùkùm ninoba mene korogo wokhìlìk, hobuk ninom ninapotkwe hùnogo hinikomo welago. Ninebe atì'nogo hùnogo hinike mene hùgì, at ebe hogorato motok welagaikarek mene atì hake asuagalùk wo'ninapike.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

KALATIA 1:7

Ebe re, wene hano wene hunigat aike welagarek le'maat o. Meneat he, it apùnì aike nen hano wene Karìsùt en hagasike wene atì mene hùnogoat hagarogo lalhinabuogolùk yogohisìlì'lùgì atì nenat ìgì o.

KALATIA 1:11

Nerùgì nagaiya'lak. An nen hano wene yogoisìlìk nìkì lagì atì re, apùnì inane mene yogoisìlìk nìkì lagì lek atì, hit hinelu asusagat o.

KALATIA 1:15

Atì'nogo meneat he, Ala oabùt hano a'nogo nen hageat nagosa a'la nen oan ta'napì'lek werek kolegat he, nebe wena'napike.

KALATIA 2:2

Atì'nogo lagagu atì re, Ala nen, “Hat o Yerusalem at lagousagat o,” ìlùk na'la yogonesike atì nen lagagisik he, hano wene atì it apùnì etakwe mene yogoisìlìk nìgìrek atì. “Wene ebe tì'nogo,” ìlùk sekek hogo yogoisagalùk he, an hageat en, yogotak ya nen, ning hogo hagatì lagì mene atì, we tùlemat haga'lasinogo ìlùk he, it inogogì mene inebe inalepma hisìlìk yogoisasìgì.

KALATIA 2:5

Mene re, wene hano wene atì hit hesik hanorogo elele palogo hakhisek logouogolùk, it en atì'nogo ikenem, nit en it inane hologo nineki omakeat oba aike, “Ì o,” ìlùk, ìgì'legat.

KALATIA 2:7

At Ala nen, at Peterùt apùnì Yahuri inogat inekalìma mene palek mene inoba elok loagalùk ayoko hìlìk lakhìgìk, nen an he, apùnì etakwe mene inoba elok loagalùk nayoko hìlìk lakhanhìk, isike atì nen he, it ap inetagewerek atì ina'la nen he, “Ala nen, at Peterùt en hano wene nit apùnì ninogat ninekalìma mene palek mene yakùlisoagalùk ayoko hesike hak, at Paùlùt en hano wene it apùnì inogat inekalìma mene atì'nogo pale'lek mene yakùlisoagalùk ayoko hesikomo hogo,” ìlùk enagat hùthinasukwa atì.

KALATIA 2:14

Atì'nogo wùlùpukwama re, an na'la nen, “Wene eberogoat, hano wene yì meneat he, it inoabùt he, hano wene yakùlisìkì logolìk hagasusak mene hagarì'lùgì lek hìgì,” ìlùk, apùnì obogat ineilhanem Peterùt wene mel ìlùk yogosigi: “Hat hebe Yahuri meneat he, apùnì Yahuri mene hagatarek hak hagatì'lek, apùnì etakwe mene nen hagatarek hak hagatì logolìgat, it etakwe mene yogoisìkì logolìk he, Hit hinoabùt apùnì Yahuri mene hagatarek hak, inoabùt waganogo hagatì logoino, ìlùk ning hogo yakùlisìkì lagen atì nenahalok,” ìlùk, pak hogo wenagasigi.