KALATIA 1:5 - Ala Ane Wene Ket Mene Warogo Wo'ninapike Wene

⁵ Ati hen he, at Ala at hogorato motok logouok. Atì'nogo ìgì atì, “Ebe asuak,” u hak, “Amin,” ìgì atì.

KALATIA 1:5 ပူးပေါင်းရင်းမြစ်များ

ÙRÙM 11:36

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

YURAT 1:25

Ninopase Ala aligat en ninoe Etagepogot Yesùt Karìsùt hagasike atì ba telninapike mene a'nogo esewerek omame apigat o, ìlùk, at hogoratìk, esinethìgìk, ìkì logouok en, ero ba yì mene tì mene walhìgì'le'ma Ala aligat welagaike atì ba nen, yogotak ya nen, hobuk motok logolìk en, atì'nogo hogorato motok logouok, ìlùk, “Amin,” ìgì atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

ABÌKAKAN 14:7

Atì'nogo nìkì logolìk, ane hùkorogo mel ìkì laga: “Ninopase Ala nen ùkùm apùnì inoba hìgìk, kotìk, igin a'nogo, arat hakok i waga atì nen he, Ala pogot mel, kweang mel, i laut yekelek mel, i elesi agei obogat mel, elalhike mene a'nogo hinayùk hogo logolìk, hinetaùken at oba hìpìrethìlìk, hogoratì logoino o,” ìlùk ìkì laga lakhìgì.

ABÌKAKAN 7:12

Atì'nogo hogoratì logolìk, mel ìkì lagaika: “Ebe asuak u hak, Amin, u a e, Ninopase Ala haligat hùko, u a e, Yì wene tì wene helu motok logolìk, u a e, Hat homame ba ha'nisek were'ma, u a e, Hai wathapìk, hogothapìk, u a e, Agaugethapìk, esinethapìk, u a e, Iko motok logogun atì, u a e, Ebe asuak u hak, Amin, u a e,” ìlùk etawì watì lagaika isìgì.

ABÌKAKAN 5:12

“Topa Eak wasukwa mene atì nek he, yì mene tì mene awe a'ma hisìgìk, eilmo wùlalhak welagìk, wene a'la kagalek enek welagìk, omame apik welagìk, ikerek o. Halok, at enek he, elok agaugeratìk, hogoratìk, hai watìk, ìkì logousak o,” ìlùk hogoratì lagaika.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

1 PETERÙT 5:11

Yì mene tì mene obogat at aligat ese logolìk hesogo motok logouak, ìlùk, “Amin,” ìgì atì.

2 TIMOTÌÙT 4:18

Atì'nogo telnapesik, hobuk apùnì nen yì weak tì weak haga'nabuogolùk ikenem, at enat telnapì logopik he, telogo wo'narek pogot oba, at awe a'ma logogunmo atoma kigin atì hesik, at hogorato motok logouok, ìlùk, “Amin,” ìgì atì.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

PILIPI 4:20

Halok he, ninopase Ala hogorato motok logouok, ìlùk, “Amin,” ìgì atì.

EPESÙT 1:12

At ebe hogorato motok welagaikarek mene a'nogo, nit en hogoratì logouagalùk, ninetaùken emakum Karìsùt oba hipìrethesugu mene hùgì weteberogo wo'ninapike atì.

ÙRÙM 16:27

At Ala aligat a'la motok kagauksek welagarek o. At Yesùt Karìsùt hagasike hesik Ala hogorato motok logouok o, ìlùk, “Ebe asuak,” ìlùk u hak, “Amin,” ìgì atì.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

MATÌÙT 6:13

Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino. Oabùt weak mene atì nen eki ha'nisike halok, hat en telninapì logoino. [Ninopase Hetagepogot harat logolìk, yì mene tì mene hagasusak ene'ma re, harat hogothapo motok logogun o. Ebe asuak u hak, Amin,] ìlùk sapan atì'nogo ìkì logoino.

1 KORÌTÙT 8:13

Halok he, nekarek mene atì ba nen an nagaiyak ebe weagatheinogo ìlùk he, at hesik he, an wam tùgì hareken ako warek mene kùrìk nìkì'lek motok herakhìkì logogin o.