KALATIA 1:16 - Ala Ane Wene Ket Mene Warogo Wo'ninapike Wene

¹⁶ Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

KALATIA 1:16 ပူးပေါင်းရင်းမြစ်များ

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

ÙRÙM 11:13

Wene yì hit apùnì etakwe mene yogohisak. Ala nen he, an nayoko hìlìk hit etakwe mene hinoba lakhani wagaikomo wagagisik hagatì lagì atì nen, esin motok ìlùk hogorakìkì lagi o.

LAKSASIKE 22:21

Atì'nogo yogotenem, ninoe Etagepogot en he, It apùnì etakwe mene walegat atoma inoba lakhagagin atì nen he, lan o, ìlùk yogonesike,” ìlùkk yogoisasike.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

MATÌÙT 26:41

Weak hagasuagalùk hina'la kagali wesinogo ìlùk, hinepe hebelogo logolìk he, sapanat ìkì logoni o. Hina'la nen elok hagasusak ìlùk akìkì lagep meneat he, hinebe nen atì'nogo hagasusak he, mea o,” ìlùk yogoisasikesik he,

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

2 TIMOTÌÙT 1:11

Atì'nogo isikesik, an hano wene atìat yogoisìgìk, yakùlisìgìk, ìlìk nìkì logouagalùk nayoko hìlìk lakhani wagaikomo nìkì lagì atì.

1 TIMOTÌÙT 2:7

Atì'nogo akikerek atì nen, at en he, “Hat en ebe wene atì apùnì etakwe mene nen eberogoat ìlùk ina'la akìlìk wanuagalùk, yakùlisìlìk nìkì logoino,” ìlùk, an nayoko hìlìk lakhani wagaikomo, yogoisìlìk nìgìrek atì. Atì'nogo ìgì atì eberogoat ìgì. Napeliak ìgì lek o.

1 TESALONIKA 2:16

Ala nen it apùnì eta'ma mene telinabuagalùk nit en hano wene yogoisìlìk laganem, apùnì inakwe palharek hak, it apùnì Yahuri mene nen he, “Wene hano wene atì yogoisasak lek,” ìlùk wene palì'lùgì atì. Atì'nogo hagatì logolìk, ninhùp-nanhùp weak hagatarek meneat oba louk hogo hagarì'lugì atì nen, Ala a'mage lagalìk, ùkùm huko mene inoba hike atì.

KALATIA 2:1

Atì'nogo isukwama, neki 14 tahun welagagisik en hobuk Parenapat neperak en at Titut ebe wolok he, o Yerusalem lagagu.

2 KORÌTÙT 5:16

Atì nen he, nit en hùlì yogotak ya hùlì nen he, apùnì nen inoabùt palharek hak, it apùnì aike inoabùt atì'nogo palhì lago lek o. Nen, alep he, Karìsùt oabùt atì'nogo palhugu hak, hobuk atì'nogo palhì lago legat o.

1 KORÌTÙT 15:50

Nerùgì nagaiya'lak. Wene yì yogohisak. Ninebe ninagasabeke wa'lagorek mene yì inom he, Ala awe a'ma hinegeinmo atoma esewerek asugun motok lek o. Nen, ninebe hili agarek mene yì inom hobuk ninebe esok motok logogun mene esewerek asugun motok legat o.

LAKSASIKE 5:42

Wùlùpukwasik, it a'nogo nen Ala awìi wùrì'mo kìgìk, apùnì inauakwe kìgìk, ìkì logolìk, “Ala nen he, Ap aike nen apùnì telhinabuagalùk ayoko hìlìk lakhei wesigin, isike a'nogo, ebe Yesùt atìat o,” ìlùk Yesùt en hagasike wene, hano wene a'nogo kamo ìgì'lek hutik-hutigat yakùlisìlìk nìkì lagaukwa.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

ÙRÙM 1:5

At wa'lagaikesi'mo nen Ala Areagùn nen eluguthesike atì ba, an nen yì apùnì tì apùnì inùkùl etage lopok inetaùken at Yesùt oba hìpìrethìlìk ane hologo hagati logousak mene yakùlisikenem, at etage hùko asuagaluk Ala oabùt hano nen nayoko hìlìk lakhani wagaike o.