EPESÙT 6:8 - Ala Ane Wene Ket Mene Warogo Wo'ninapike Wene

⁸ Hinoabùt hano hagatì logogun halok, ninoe Etagepogot en, hit inatitigeke mene, hinalepma welagep mene hinomat, hinebe lopok oko wokhisegein o.

EPESÙT 6:8 ပူးပေါင်းရင်းမြစ်များ

KOLOSE 3:24

Hinebe re, ninoe Etagepogot Karìsùt at awe a'ma logolìk, at hesigat hagatì lagep atì nen, hina'la nen he, “Nit hagatì lago atì hesik, oko re, at ninoe Etagepogot Karìsùt en esethinegein werek o,” ìlùk, hina'la hùthìlìk logoino.

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 6:4

Hinagasogo wogisamo re, hinopase Ala pogot oba mene apùnì hinagasogo hagatarek mene eileken isikerek atì nen oko wokhisegein o,” ìlùk yogoisasike.

IBERANI 10:35

Halok he, alep weak hagathinapo kolek hina'la pùk welagagip mene atì kopok hogo heraksìgì'lek, yogotak ya atì'nogoat logogun halok, oko hùko mene wokhisegein atì nen he, ning hogo logoino o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

MATÌÙT 6:1

Atì'nogo yogoisasikesik he, aike mel yogoisasike: “Ala nen, Tì'nogo hagatì logoino, ìlùk isikomo, hit en higit hogo hagatì lagep mene atì, apùnì nen ineileken hisìkì logouagalùk sele'ma hagatì logogùp o. Ineileken hisìkì logouagalùk hagatep halok he, hinopase pogot oba mene oko wokhisegein motok lek o. Hit ina'la ebe'ni!

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

KOLOSE 3:25

Mene re, at ninoe Etagepogot en he, apùnì inelokoken oba nek eileken isìlìk, aike elokoma hisìgìk, aike apotma hisìgìk, ikerek lek atì nen, sa nen weak hagate mene hesik, oko wogosu hak he, weak hagate atì higit hogoat ùkùm oba hegein werek o.

MATÌÙT 20:7

it ap amanogo nen he, Yabu aike wanuagalùk ninayoko hìgì'lek atì nen welago o, ìlùk yogosukwa. Atì'nogo yogosukwama re, at ap eyabu esewerek a'nogo nen he, Halok he, hit hinomat an neyabumo anggur yabumo atoma hagasi lano o, ìlùk inayoko hesike.