EPESÙT 6:22 - Ala Ane Wene Ket Mene Warogo Wo'ninapike Wene

²² Nit ya logolìk hagatì lago mene hinelu arìk he, hinetaùken sebelogo logouageip ìlùk hinoba lakhei wagì atì.

EPESÙT 6:22 ပူးပေါင်းရင်းမြစ်များ

PILIPI 2:25

At ninagaiyak Epaporolìtùt an Ala hesik naligat en hagasusak mea were'ma, lebe'neoagalùk noba lakhei wagagipmo re, weim yapì logolìk ning hogo yaparek hak, neperak Ala hesik ning hogo hagatì lagosik he, hobuk apotkwe hinoba lakhei wesigin akìkì lagìat o.

2 TESALONIKA 2:17

Atì'nogo egarek mene atì nenat, hit hineki nen hano mene hagatìk, hinane ba hano mene yogoisìgìk, ìkì logouageip en ìlùk, hina'la hanothinapìk, hinetaùken wurigethinapìk, ìkì logouak o.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

PILIPI 2:19

Hit aroma hagatì lagep mene hesik, hinabok an nelu arìk na'la hano asuagalùk, netaùken ninoe Etagepogot Yesùt oba hìpìrìk were'ma, at en lebe'niikerek atì ba, at Timotìùt a'nogo hepogat hinoba lakhei wesigìlùk akìkì lagì.

2 TIMOTÌÙT 4:12

Nen, at Tìkìtùt a'nogo, o Epesùt loagalùk lakhìgìma o.