EPESÙT 6:20 - Ala Ane Wene Ket Mene Warogo Wo'ninapike Wene

²⁰ Wene atì yogoisìkì logouagalùk at Karìsùt en nayoko hìlìk lakhani wagaikomo an wìrìk yogoisìkì lagì atì hesik neki hele warogo hanhama welagì. Atì'nogo logolìk, an nayù'lek hogo hano wene atì yogoisìkì logousak higit hogoat yogoisìkì logoik en, sapan ìkì logoinoat o.

EPESÙT 6:20 ပူးပေါင်းရင်းမြစ်များ

2 KORÌTÙT 5:20

Nit he, Karìsùt enat, ninayoko hìlìk lakhina wagaikomo wagagusik he, Ala nen wene yogohisa hak, hinasuk watì lago atì. Atì'nogo watì logolìk, “At Ala nen hobuk hinapotkwo lapuk hogo hikoak en he, at hinom lapulini o,” ìlùk Karìsùt etage palogo ninane lìok hogo yogohisìkì lago.

KOLOSE 4:4

Wene atì, an nen yogoisasak higit hogoat, tùkùm hogo yogoisìkì logoik en he, sapan ìkì logoino.

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

LAKSASIKE 26:29

Atì'nogo yogosikomo, at Paùlùt en he, “Yogotak ya he a? Logopik en he a. Hat mel, hit aike nane yogotak holhì lagep mene hinebe obogat mel, an neki hele warek welagì yì hake nek hinoba agì'lek, an welagìrek hagat haga'lasuageip ìlùk Ala ayoko hìkì lagì o,” ìlùk yogosike.

1 YOHANET 3:16

At Karìsùt en tak nit etawì'ninapikesik, ebe nit hesik wa'lagaike atì nen, nit en it apùnì aike inetawìrinaparek wene atì, hùthìkì lago. Hùthìkì logolìk, at hagasike atì hak, nit ninerùgì ninagaiya'lak inebe ninetawì nen, ninebe it hesik wa'lasusak hanoat o.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

1 TESALONIKA 2:2

Hit hinoba oan wagì'lek, o Pilipi atoma were'ma, apùnì atoma mene nen ina'la mea'nisìlìk yì aik tì aik haga'ninapì lagaukwa. Ati'nogo meneat he, ninopase Ala nen ane hano wane a'nogo ninayù'lek hogo yogohisa wesuagalùk haga'ninapikomo wagagusik yogohisiko were'ma apùnì apigat en, “Wene atì ninabìt,” ìlùk, iko kolegat, ninomamerogo yogohisìkì lagagu a'nogo, hineluat o.

PILIPI 1:20

An na'la nen he, wene Karìsùt hesik u nekalì agì'lek yogoisìkì logousak namolo. Halok, nekalì agì'lek yogoisìkì logogin o, ìlùk, hùthìlìk na'la hano welagì. Ninhùp-nanhùbat pak hogoat yogoisìgìrek hak, yogotak atì'nogoat yogoisagalùgat welagì. Nebe neluk logoumo hanoat. Nen, wa'lasumo hanoat. An atì'nogo haga'napo kolek, nebe abirekeat Karìsùt hesik hagatì lagì atì ba, apùnì nen Karìsùt hogorasuagalùgat welagì.

EPESÙT 6:19

Ayoko atì'nogo hìkì logolìk, an nen hano wene Ala a'la hinago welagaike mene atì, at en yakùlneto kolek, nane pak hogo yogoisìkì logoik en he, hit en ayoko hìkì logoinoat o.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

LAKSASIKE 28:31

Atì'nogo woginapenem, it aike nen wenagatì'lek werek kolek, at ayù'lek pak hogoat wene Ala nen awe a'ma hisikerek wene a'nogo yogoisìgìk, ninoe Etagepogot Yesùt Karìsùt hagatì lagaike wene a'nogo yakùlisìgìk, ìkì lagaike.

LAKSASIKE 28:20

Nit apùnì Isirael mene nen he, Ap aike wesigin o, ìlùk ninetaùken at oba welagorek a'nogo hesigat, neki hele warogo hanhukwama welagì yì. Atì nenat he, hit hinebe noba waganem wene yogohisagalùk hinayoko hìgì atì o,” ìlùk yogoisasike.

LAKSASIKE 5:29

Atì'nogo yogoisìkì lagaukwama, it Peterùt lak, Yesùt en inayoko hìlìk laksasike mene amanogo nen he, “Nit he, apùnì mene inane hologo hagatì'lek, Ala ane atìat hologo hagasusak o.

YURAT 1:3

Nerùgì nagaiya'lak. Hinebe netawì e. Wene Ala nen hit ninomat telninapike a'nogo hesik wene helal waganogo hinoba lakhei wesigìlùk na'la eberek motok welagarìk he, hobuk netaùken sebelusak mea agama re, wene mel hesik lakhei wagì atì. Atì re, it apùnì aike Ala ebe inabìt mene nit ninoake palek werek kolek nina'la ki wìrìk he, Ala oabùt hano nen wo'ninaperek mene atì, it en lagak hogo wene hùnogo mene yogohisìkì logolìk he, “Weak mene yùgùnat hagatì logousak,” ìlùk, ninoe Etagepogot Yesùt Karìsùt omame apik a'nogo ebe heraksìlìk, hagarì'lùgì atì. Atì'nogo hagarì'lùgì atì nen, Ala nen he, “Ùkùm tì'nogo inoba hegein,” ìlùk isikomo hageat en helal waganogo hesukwama werek. Wene Ala nen omake hesigat nit againapùrì wo'nisasikomo ninetaùken oba hìpìrìk welago atì mene, it atì nen legethouogolùk ikenem, hit en elele waganogo hinomamerogo hesogo logouageip ìlùk hina'la kagalogo lakhei wagì atì.

PILEMON 1:10

Ati re, an neki hele warek logolìk, at Onesìmùt etaùken Karìsùt oba hìpìrethike atì nen, ebe naput hake haga'lagìk, an nebe at opase hake haga'lagìk, ogosik en, at ebe waninogolùk yogohetìi o.

LAKSASIKE 21:33

Kama isukwama ap tentara inoe kain a'nogo ebe Paùlùt oba horok hogo lìlìk, ebe hakhìlìk he, agoromì nen posie omaken pìre ba eki hele wasuagalùk yogoisasike. Yogoisasikesik he, “Ap yì sa nogo. Nìkì'nogo hagatomo,” ìlùk hinok wanhike.

2 KORÌTÙT 3:12

Hobuk atì'nogo hano asigin ìlùk, nina'la hai hakìkì logolìk he, wene ninayùk motok legat yogoisìkì lago o.

KOLOSE 4:3

Sapan ìkì logolìk, nit hesik he, mel ìkì logoino: “Ala ninopase. Wene Karìsùt en hagasike wene, alep ha'la hinago welagaike mene a'nogo, it Paùlùt lak en yogoisìlìk nìkì logouagalùk, kwe hùrisano,” ìlùk, sapan nit hesik ìkì logoino. Wene atì hesigat neki hele warogo hanhama yoma welagì.

PILEMON 1:9

an Paùlùt yogotak nebe arat yaman agarìk were'ma, Karìsùt Yesùt hesik neki hele warogo hanhama welagì. Atì'nogo logolìk, hat netawìrogo welagìrek atì nen, nane lìok hogo hoba aike kìno yogohesik.