EPESÙT 6:18 - Ala Ane Wene Ket Mene Warogo Wo'ninapike Wene

¹⁸ Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

EPESÙT 6:18 ပူးပေါင်းရင်းမြစ်များ

1 TESALONIKA 5:17

Sapan hutik motok iko logoino.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

1 TIMOTÌÙT 2:1

An nen wene aike esin mene yì Ala againapùrì inasuk wa'nogolùk yogohesik. Nit apùnì ninom hano lìok hogo logolìk he, Ala hogoratì logolìk, apùnì hesik higit hogo hagatì logousak mene hagatì logouok en he, apùnì obogat hesik mel, kaintek inetage pogot hesik mel, it aike inetagewerek logolìk ha'nisek welagaikarek mene atì, inebe obogat hesik mel, sapan ìkì logolìk he, Ala ayoko hìgìk, kìno yogotìk, hai watìk, ìkì logouagalùk inasuk watì logoino o.

YURAT 1:20

Mene re, nerùgì nagaiya'lak. Hinebe netawì e. Wene Ala okawerek en wo'nisasikomo hinetaùken Yesùt Karìsùt oba hìpìrethìlìk, hinetaùken wurik hogoat logoino o. Ati'nogo logolìk, Ala Areagùn hina'la kagalhenem sapan ìkì logoino o.

MAREKÙT 14:38

it he'nakìt amanogo inomat mel yogoisasike: “Weak hagasuagalùk hina'la kagali wesinogo, hinepe hebelogo logolìk he, sapanat ìkì logoni o. Hina'la nen elok hagasusak ìlùk akìkì lagep meneat he, hinebe nen atì'nogo hagasusak he, mea o,” ìlùk yogoisasike.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

MATÌÙT 26:41

Weak hagasuagalùk hina'la kagali wesinogo ìlùk, hinepe hebelogo logolìk he, sapanat ìkì logoni o. Hina'la nen elok hagasusak ìlùk akìkì lagep meneat he, hinebe nen atì'nogo hagasusak he, mea o,” ìlùk yogoisasikesik he,

EPESÙT 1:16

Atì'nogo holhìrìk he, hit hinoabùt hagatesep atì hesik, ninhùp-nanhùbat kamo ìgì'lek hinetage ìlìk ìlìk Ala hai wato motok welagìrek.

ÙRÙM 12:12

Hit en he, “Hobuk at Ala nen hano hagasigin werek o,” ìlùk, hina'la hai hakìlìk, yì aik tì aik hìkì logolìk he, hinepe morogo sapan kamo igì'lek iko motok logoino o.

MAREKÙT 13:33

Mera haga'lasigin hit hinokorat atì nen he, hinoabùt hebelogo kagalek logoino o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

LAKSASIKE 1:14

It inebe atem mel, Yesùt agosa Maria mel, hìmì aike mel, Yesùt agoromì opolik mene inomat, inebe obogat inetaùken omakeat logolìk he, sapan iko motok welagaukwa.

LUKAT 22:46

Isa wagaikesik he, mel yogoisasike: “Hit nenahalok nogo ìkì lagep. Weak hagasuagalùk hina'la kagali wesinogo nen he, hinebe melarìk sapan ìkì logoni o,” ìlùk yogoisasike.

IBERANI 5:7

At Yesùt ebe kweangma yoma were'ma apùnì nen wasinogo ìlùk, Ala nen elok telusak atì nen he, le aga logolìk, ane hùkorogo Ala etage palogo ayoko hìkì logolìk, opase ane ayùk hogo hologo welagaike atì nen, ane asuk holhike.

2 TIMOTÌÙT 1:3

An nopalak Ala awe a'ma logolìk, inokawerek inetaùken omakeat hano logolìk, at hesik hagatìk, hogoratìk, ìkì lagaukwa hak, an atì'nogoat hagatì logolìk, hat hoba motok eberegat, hat hesik likene hùako sapan iko motogat logolìk, Ala hai watì lagì o.

PILIPI 1:4

Hit emakum wene wanhìgip atì hùlì nen, yogotak hùlì, an nen hano wene apùnì aike yogoisìlìk nìkì logouagalùk lebe'niiko motok welagasep atì nen, ninhùp-nanhùbat na'la hairogo hit obogat hesik sapan ìkì logolìk, Ala ayoko hìgìk, hai watìk, ìkì lagì.

EPESÙT 6:19

Ayoko atì'nogo hìkì logolìk, an nen hano wene Ala a'la hinago welagaike mene atì, at en yakùlneto kolek, nane pak hogo yogoisìkì logoik en he, hit en ayoko hìkì logoinoat o.

LAKSASIKE 12:5

At Peterùt eki hele warogo kelakhìlìk werek kolek he, it Ala againapùrì nen sapan at hesik kamo ìgì'lek hutik-hutigat inetaùken oba nenat motok ìkì lagaukwa.

LAKSASIKE 10:2

At Ala ayùk hogo logolìk againapùrì inom en hogoratì lagaukwa. Logolìk he, it apùnì Yahuri mene amanogo aike inekimo lek inelageik mene hùkorogo leberisìkì logolìk, sapan kamo ìgì'lek iko motok welagaike.

LAKSASIKE 6:4

Menhisamo, it atì'nogo hagato kolek, nit en he, sapan ìgìk, wene ebe wene atìat yogoisìgìk, iko logogun,” ìlùk yogoisasukwa.

EPESÙT 3:18

Apùnì nen o wusuogolùk, hùlì uankwe tì ba, horokwe tì ba, wùroak lìabugun tì ba, tik pelabugun tì ba, ìlùk walhagarek meneat he, ninebe Karisùt en etawìrogo welagarek atì mene, “Hùlì tì ba,” ìlùk walhasak he, mea. Hùkoat o. Walhasak mea meneat he, Ala againapùrì aike obogat hinom higit hogo hùthoageip en, Ala nen hinetaùken wurigethikenem, at ebe abireke hina'la motok katok hogo peserogo logouagalùk ayoko hìkì lagìat o.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

EPESÙT 2:22

Atì hak he, hit Karìsùt hinom hutik were'ma, it aike hinom o omakeat Ala awì wùri'mo Areagùn logouagalùk, wùrogo hikìlì'logo atì.

LUKAT 3:37

Lamek atì re, Metùsala aput. Metùsala atì re, Henok aput. Henok atì re, Yaret aput. Yaret atì re, Mahalalel aput. Mahalalel atì re, Kenan aput.

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

LUKAT 3:26

Nagai atì re, Mat aput. Mat atì re, Matika aput. Matìka atì re, Simei aput. Simei atì re, Yosek aput. Yosek atì re, Yota aput.

KOLOSE 1:3

It aike nen hit yogoisìkì logolìk he, “Hit mene hano mene Ala nen wokhisegein mene pogot oba hikikomo werek o,” ìlùk yogohisasukwama, hinetaùken Karìsùt Yesùt oba hìpìrethìlìk, hagatenem, it aike nen he, “It inetaùken Karìsùt oba hìpìrethìlìk Ala againapùrì aike obogat inetawìrogo hagarì'lùgì,” ìlùk, hinabok ikenem ninasuk holhosik he, ninhùp-nanhùbat sapan hit hesik ìkì logolìk, ninoe Etagepogot Yesùt Karìsùt opase Ala at hai watì lago o. Hit wene hano wene, Ala oabùt hano nen hagarinaperek wene a'nogo emakum yogohisa wagaukwama, hinasuk holhigisip he, eberogoat ìlùk hùthasigip atì hùlì, Ala nen hanothinabì'logo hak, hano wene atì o yì awì tì awì Wìalarìk laga logolìk, Ala nen apùnì atì'nogo hano hagarinabì'logoat.