EPESÙT 6:17 - Ala Ane Wene Ket Mene Warogo Wo'ninapike Wene

¹⁷ Inùkùloa'ma inoasinogo ìlùk, inùkùlasu haro mene salharek hak, Ala nen telninaperek atì meneat wanìk salino. Atì'nogo salìk he, weim yabuogolùk karok inekim wolok lagaikarek hùk, Ala ane, Areagùn nen wo'nisikerek atì mene wolok laga logoino o.

EPESÙT 6:17 ပူးပေါင်းရင်းမြစ်များ

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

ABÌKAKAN 19:15

At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.

1 TESALONIKA 5:8

Mene re, nit lìa ba welagorek mene yì, ninoabùt hebelogo logolìk he, apùnì aike nen inoasinogo ìlùk sìng inoake ba itarek hak, ninetaùken Ala oba hìpìrìk logolìk, apùnì inebe ninetawìrogo welagorek atì meneat ìkìgik, inùkùloa'ma inoasinogo ìlùk inùkùlasu haro mene salharek hak, Ala nen telogo hano'ninabigin ìlùk, nina'la hano welago atì meneat salhìgìk, ìkì logouok o.

ABÌKAKAN 2:16

Nabìt akìkì lagì atì nen he, hit weak hagatì lagep mene atì heraksìlìk hinoabùt hebela'no o. Atì'nogo hebelagì'lek halok he, hit an karok napema mene ba hinoasigìlùk hepogat wesigin o.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

ABÌKAKAN 1:16

Nen, eki ebekwe re, hesagal ebe 7 nen hesogo welaga. Nen, apelema nen karok ela heta-heta mago mene wùlìbi waga laga. Elokoken apipin he, o like tùlem mo tilelek-walelek yaterek atì hak were'ma neileken hìgì o.

MATÌÙT 4:4

at Yesùt en he, “Ala nen, Apùnì sùpùrùk enek nìkì logolìk ineluk motok welagaikarek lek o. An nane ìgìrek mene atì obogat wanho halok, ineluk motok logogun o, ìlùk isikomo helal waganogo hesukwama werek o,” ìlùk yogosike.

MATÌÙT 4:7

Yogosikomo, at Yesùt en he, “Ala nen ìkì logolìk, Hit en he, an hinopase Ala Netagepogot nanini werek a? Lek a, ìlùk noabùt palusak motok lek o, ìlùk isikomo helal waganogo hesukwama weregat o,” ìlùk yogosike.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.