EPESÙT 6:13 - Ala Ane Wene Ket Mene Warogo Wo'ninapike Wene

¹³ Halok he, weak mene nen weagathinabi waganem weim hineil haroweak metegat logopik, arat yabìk metek logouogolùk, sìng ìtarek hak Ala nen yì mene tì mene wo'nisikerek atì mene ì'no.

EPESÙT 6:13 ပူးပေါင်းရင်းမြစ်များ

2 KORÌTÙT 10:4

Nit weim yapì lago atì ebe re, apùnì inasike inarìge ba yapì lago hùk. We, Ala omame apik welagarek mene a'nogo asike arìge ba, o weim kat oba ning hogo wùrìk mene atì, elok mesalusak atì ba yapì lago. It apùnì aike ina'la nen he, “Ala atì ebe ninabìt. It apùnì aike at ebe inelu asusak legat o,” ìlùk inokawerek en hogorakagarek mene atì, nit en sike sìge atì ba re, elok mabenetsasagat o. Nen, apùnì inetaùken we mene oba eberì'lùgì mene atì, nit en sike sìge atì ba Karìsùt ane hologo hagasuagalùk awe a'ma elok hisa wesusagat o.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

EPESÙT 5:16

Yogotak ya apùnì inebe hùkokwe inoabùt weak hagarì'lùgì atì nen, hit hinoabùt we tùlemat alemarogo hagatì logoinogo ìlùk, hanoasuak hinoabùt hano mene atìat hagatì logoino o.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

ABÌKAKAN 3:10

Atì'nogo hisa wesigin atì re, an nen, Hinepe morogo logoino o, ìlùk yogohisasigi mene atì, nane hologo higit hogo hagatì lagep atì nen, o hobuk Ala nen apùnì kweangma yoma welagaikarek mene obogat yì aik tì aik inoba hegein atì hiko kolek, hit enek he, an nen nawe a'ma hano hakhisek logogin o.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.