EPESÙT 6:12 - Ala Ane Wene Ket Mene Warogo Wo'ninapike Wene

¹² Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

EPESÙT 6:12 ပူးပေါင်းရင်းမြစ်များ

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

KOLOSE 2:15

At Karìsùt ebe e atì ba wa'laga logolìk, Ibilit agoromì kaintek inomame werek mene inom mabenetsìlìk he, apùnì nen selei mene inom weim yapì logolìk inomame arìk, inebe ineluk hele warogo apùnì ineilhanem wogisek wagaikarek hak, at Karìsùt en sele'ma inekalì wasike atì.

EPESÙT 1:21

Atì'nogo menhesike atì re, it pemerintah kain mene aike obogat mel, inetagepogot mene aike obogat mel, inogogì kaintek aike obogat mel, kaintek it aike inawe a'ma hagisek welagaikarek mene obogat mel, inetagewerek yogota'ne werek mene mel, hobuk logogun mene mel, obogat he, inetage lek meneat he, at Karìsùt enek he, esin hesaksek logouagalùk, menhesike atì.

EPESÙT 1:3

Ninoe Etagepogot Yesùt Karìsùt opase Ala at hogoratì logouok o. Nit Karìsùt ninom hutik were'ma, at Ala nenat hano obogat ninetaùken hesik pogot oba nen wo'nisasikomo welago.

1 KORÌTÙT 15:50

Nerùgì nagaiya'lak. Wene yì yogohisak. Ninebe ninagasabeke wa'lagorek mene yì inom he, Ala awe a'ma hinegeinmo atoma esewerek asugun motok lek o. Nen, ninebe hili agarek mene yì inom hobuk ninebe esok motok logogun mene esewerek asugun motok legat o.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

YOHANET 16:11

Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

LUKAT 13:24

“It apùnì apigat, kwe hamùlùkkwe kuogolùk walhogoin meneat he, mea asigin atì nen he, hit kwe hamùlùkkwe atì ba kuageip en he, hinomamerogo hagatì logoiho, ìlùk yogohisìkì lagì.

2 TIMOTÌÙT 2:5

Nen, aike re, sa awewerek sa awewerek laga logolìk, ap inayoko hikerek mene nen, “Yì'nogo hagasusak,” ìlùk ikerek mene ane hologo lagì'lek halok, “Awewerek aga mene, ap yìat,” ìlùk, oko kare-kare negen ìksagarek mene atì ìksasak mea o. We, ane hologo lago halogat ìksasak o.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

IBERANI 12:4

Hit enek he, weak hagasu hinabìt en, weim inomamerogo yaparek atì hak hagatenem, hinamep wulagasogo hinoatì'lek mene welagep o.

KALATIA 1:16

Wena'napikesik he, hano wene aput Yesùt hagasike wene a'nogo apùnì etakwe mene yogoisìlìk nìkì logouagalùk aput ebe nelokoma melagaikomo re, wene apùnì aike inoba hinok wanhì'legat o.

MAREKÙT 4:19

ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.

2 KORÌTÙT 11:14

It hagarì'lùgì atì elalinat hagarì'lùgì hùk. Inopase Ibilit okawerek apeliak en he, malaikat lìa wene wolok wagaikarek hak hagarogo wagarek hak hagarì'lùgì o.