EPESÙT 6:11 - Ala Ane Wene Ket Mene Warogo Wo'ninapike Wene

¹¹ At Ibilit oabùt lagaksek mene a'nogo nen weagathinabigìlùk waganem, weim yabuogolùk sìng ìtarek hak, hit hinebe metegat logouogolùk he, at Ala nen yì mene tì mene wo'nisikerek mene atì obogat hinogat laberogo logoino o.

EPESÙT 6:11 ပူးပေါင်းရင်းမြစ်များ

2 KORÌTÙT 10:4

Nit weim yapì lago atì ebe re, apùnì inasike inarìge ba yapì lago hùk. We, Ala omame apik welagarek mene a'nogo asike arìge ba, o weim kat oba ning hogo wùrìk mene atì, elok mesalusak atì ba yapì lago. It apùnì aike ina'la nen he, “Ala atì ebe ninabìt. It apùnì aike at ebe inelu asusak legat o,” ìlùk inokawerek en hogorakagarek mene atì, nit en sike sìge atì ba re, elok mabenetsasagat o. Nen, apùnì inetaùken we mene oba eberì'lùgì mene atì, nit en sike sìge atì ba Karìsùt ane hologo hagasuagalùk awe a'ma elok hisa wesusagat o.

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

1 TESALONIKA 5:8

Mene re, nit lìa ba welagorek mene yì, ninoabùt hebelogo logolìk he, apùnì aike nen inoasinogo ìlùk sìng inoake ba itarek hak, ninetaùken Ala oba hìpìrìk logolìk, apùnì inebe ninetawìrogo welagorek atì meneat ìkìgik, inùkùloa'ma inoasinogo ìlùk inùkùlasu haro mene salharek hak, Ala nen telogo hano'ninabigin ìlùk, nina'la hano welago atì meneat salhìgìk, ìkì logouok o.

EPESÙT 6:13

Halok he, weak mene nen weagathinabi waganem weim hineil haroweak metegat logopik, arat yabìk metek logouogolùk, sìng ìtarek hak Ala nen yì mene tì mene wo'nisikerek atì mene ì'no.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

2 KORÌTÙT 6:7

Atì'nogo logolìk, Ala omame ba ebe wene yogoisìlìk nìkì lago. Atì'nogo yogoisìlìk nìkì logolìk, apùnì nen he, “Sige sike nineki pìre wùrat welago,” ilùk egarek hak, nit Ala a'la walok mene hagatì lago atì, nineki pìre wùrat welago.

ABÌKAKAN 2:24

Atì'nogo meneat he, apùnì aike nen, He atì awene, Ibilit awene a'la mene yakùlisikerek, ìlùk egarek mene atì, hit apùnì o Tiatira mene he'nakwe nen, wene atì yakùlhìk, hinelu agìk, ìgì'lek atì nen he, hit en wene ekin mene aike hagasuageip en ìlùk yogohisegein lek o.

EPESÙT 4:24

Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

1 KORÌTÙT 10:13

Hit weak hagasuagalùk hina'la kagaligìlùk waganem aberùgì hegesep atì re, nit apùnì obogat nina'la kagaligìlùk waganem hogorek hagat hìkì lagep o. Meneat he, Ala nen abok yogonisasike higit hogoat hagateresi'mo re, weak hagasuagalùk hina'la kagaligìlùk waganem he, hit en hinetaùken sebelusak mea mene, Ala nen herakhikìgì'lek hakhisek logogin o. Hina'la atì'nogo kagalho kolek, hinetaùken sebeluageip en ìlùk, Ala nen wene higit hogo yogohisegein werek o.

MAREKÙT 13:22

It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.

ABÌKAKAN 19:20

Atì'nogo were'ma, at aike hageat wagaikesik, “An Ala ane yogohisìkì lagì,” ìlùk apeliagat at yeke lo yeke hake a'nogo eilhanem elalin mene hagatì lagaike a'nogo nen, lalinapenem eberogoat salek, it apùnì aike nen he, “Nit at yeke lo yeke hake oabùt weak mene yì agoromì,” ìlùk silo negen inoba wanhìk, inetaùken sukwan at yeke lo yeke bake hùko a'nogo ebe hake hagarek a'nogo oba hìpìrethìgìk, ìkì lagaika meneat he, yogotak at yeke lo yeke hako a'nogo ebe ho, apeliak lalinapì laga mene a'nogo ho, eperak haksìlìk, hele warogo i laut etu mene yekele'ma hetalì al hake obasi weak mene etage belerang inom-inom amulok niko motok welagare'ma atoma inebe inelukeke laksìkì laga hìgì.

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.