EPESÙT 5:6 - Ala Ane Wene Ket Mene Warogo Wo'ninapike Wene

⁶ It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

EPESÙT 5:6 ပူးပေါင်းရင်းမြစ်များ

ÙRÙM 1:18

Apùnì nen he, Ala ebe inobaken nen hìgìk heraksìlìk, inoabùt koloat hagatì logolìk, ebe wene apùnì aike inelu asinogo ìlùk sebelì'lùgì atì nen he, Ala a'mage lagalìk pogot oba nen sele'mathesike.

MATÌÙT 24:4

at Yesùt en he, “Apùnì nen lalhinabinogo ìlùk he, hinoabùt hebelogo logoino o.

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

KOLOSE 3:6

It apùnì Ala ane inasuk holùhùk mene nen inoabùt atì'nogoat hagatenem, Ala a'mage lagalìk, weagarinabigin werek o.

MAREKÙT 13:5

Hinok wanhukwama, at Yesùt en he, mel yogoisasike: “Apùnì nen lalhinabinogo ìlùk he, hinoabùt hebelogo logoino o.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

2 TESALONIKA 2:3

Apùnì aike nen, “Ala ninabìt,” ìlùk, heraksalùk wùlìpìk, at oabùt motok weak mene hobuk Ala nen etu ai'mo laksegein mene a'nogo weinam agìk, atì'nogo tak hagasugun atì nen he, it aike nen yì'nogo ìgìk, tì'nogo ìgìk, ìkì logolìk, lalhinabinogo. Nabìt.

KOLOSE 2:4

It aike inapeliak meneat he, inane eberogoat salek lalhinabinogo ìlùk yogohisìgì atì.

MAREKÙT 13:22

It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

IBERANI 3:19

It atì inetaùken Ala oba hìpìrethìgì'lek hagatì lagaukwa atì nen, set wala kusak motok mea agaike, ìlùk nit yogotak hùthìkì lago o.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.