EPESÙT 5:29 - Ala Ane Wene Ket Mene Warogo Wo'ninapike Wene

^29-30 Apùnì aike nen inokawerek inebe inabìt aike welagaikarek nogo? Lek o. Ninokawerek ninapùrùk hano mene nìkìk, ninebe alelìgìk, ogorek hak, at Karìsùt en he, “Ala againapùrì an nokawerek nebe mene neki nesok hake,” ìlùk atì'nogo alelogo ha'nisek welagarek.

EPESÙT 5:29 ပူးပေါင်းရင်းမြစ်များ

EPESÙT 5:31

Atì hesik, Ala ane mel isike: “Ati nen he, ap en agosa opase hebisalùk, agwe eperak hano logolìk he, inebe pìre meneat he, omakeat haga'larik logouak o,” ìlùk, isikomo helal waganogo hesukwa atì.

MATÌÙT 23:37

At Yesùt en atì'nogo yogoisasikesik he, aike mel yogoisasike: “Eigo! Hit apùnì o Yerusalem mene yì netawì lak e! Hit enat ap Ala ane yogoisagarek mene inebe inoatìk, ap Ala nen inayoko hìlìk laksa wagarek mene helep en tamuk-tamak hogo inoatìk, egesep atì netawì lak e. Sùe ayam eagwì ogolabi a'ma atogorogo hisikerek atì hak, an nen ninhùp-nanhùbat hit o yoma welagasep mene obogat atì'nogoat atogorogo hikagalùk ìlùk akìgìrek meneat he, hit en, Ninabìt, egesep atì, netawì lak e.

ÙRÙM 1:31

Inetaùken lek weak hagatìk, wene warisagaresik en kamo ìgik, apùnì inabìt enek welagìk, inetawì lek welagìk, egarek.

MATÌÙT 6:26

Sùe pogot obakwe purogo nikerek mene atì hineileken lakhìkì logolìk hina'la ebe'ni. It sùe atì yì mene tì mene awì yatìk, eken ìtenem palogo obùlù'mo hagarek oba hìgìk, egarek lek meneat he, hinopase pogot oba mene nen inapùrùk wogisikerek o. Mene re, Ala nen it sùe atì agaugerinaperek nogo? Lek o. We, hit hinebeat agaugethinapì logolìk, hinapùrùk wokhisegein lek nogo? Wokhisegeinat o.

EPESÙT 5:28

Atì hak, hit ap en he, hinokawerek hinebe hinetawì welagasep atì hak, hinagagwì lopok inebe, “An nokawerek nebe hakeat,” ìlùk, hinetawìrogo logoino. Ap he, inagagwì inetawìrogo welagaikarek mene atì, inokawerek inebeat inetawìrogo welagaikarek o.