EPESÙT 5:26 - Ala Ane Wene Ket Mene Warogo Wo'ninapike Wene

^26-27 At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

EPESÙT 5:26 ပူးပေါင်းရင်းမြစ်များ

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

EPESÙT 6:17

Inùkùloa'ma inoasinogo ìlùk, inùkùlasu haro mene salharek hak, Ala nen telninaperek atì meneat wanìk salino. Atì'nogo salìk he, weim yabuogolùk karok inekim wolok lagaikarek hùk, Ala ane, Areagùn nen wo'nisikerek atì mene wolok laga logoino o.

1 YOHANET 5:6

At Yesùt Karìsùt kweangma pi wagaikesik were'ma ima nek pelapukwa hùk. Ima pelapìk, amep wulagasogo watìk, isukwa. Atì'nogo hagasukwa ìlùk, at Ala Areagùn wene eberogoat enek yogonisikerek mene a'nogo nen pak hogo yogonisiko welagarek o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 10:10

Nen, at Yesùt Karìsùt Ala a'la walok mene atì hagatì logolìk, at ebe omake hesik wa'laga logolìk, Ala wogosike atì ba, nit ninebe Ala hesik motok hisikomo welago.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

LAKSASIKE 22:16

Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.

YOHANET 17:7

Yogotak yì mene tì mene obogat hat en wo'nesigin mene atì, it en he, Ala nenat wogosikomo, ìlùk arat hùthaga o.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

YOHANET 13:10

at Yesùt en be, mel yogosike: “At sa nen, ebe kume arat warek werek halok, at ebe sobalek motok werek atì nen he, hobuk sobalusak mea o. We, esok enek sobalusak elok o,” ìlùk yogosikesik, it obogat yogoisìkì logolìk he, “Hit atì'nogo sobalek motok welagep meneat he, hinebe obogat sobalek welagep hùk. Aike sobale'lek werek o,” ìlùk, yogoisasike. Wene atì'nogo yogoisasike atì re, at a'la nen he,

ÙRÙM 10:8

Halok he, wene atì mel akalùk isike: “Ala ane atì ebe horogat werek o. Atì hape ba mel, hetaùkenma mel, werek o,” ìlùk isike atì, apùnì nen inetaùken Ala oba hìpìrethousak wene nit en yogohisìkì lago atì hesigat isike o.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

IBERANI 10:14

At Karìsùt omake hesik wa'laga logolìk, ebe Ala wogosike atì ba, nit apùnì ninebe Ala hesik hisikerek mene hùgì katok hogo motok ho'ninapike.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

IBERANI 13:12

Atì'nogo hagatì lagaukwa atì nen, at Yesùt okawerek amep oba againapùrì weak hagatarek mene horogo, inebe Ala hesik hisagalùk leget pa'leget ape palek abel etakwe wa'lagaike atì.

2 PETERÙT 1:9

Atì'nogo meneat he, it hit mene he'na nen inoabùt atì mene ese agì'lek logogun halok he, ineileken mùmat apumeke salek werek. Atì'nogo logolìk, it en he, “Weak hagatì lagagu mene, Ala nen sobalninapike,” ìlùk usak meneat he, at oba lì'mathìlìk werek atì.