EPESÙT 5:25 - Ala Ane Wene Ket Mene Warogo Wo'ninapike Wene

²⁵ At Karìsùt en nit Ala againapùrì ninebe etawì'ninapikesik he, “It hesik noasuak,” ìlùk akasike ba ebe wasukwama wa'lagaike hak, hit ap he, hinagagwì atì'nogoat hinetawìrogo hagatì logoino o.

EPESÙT 5:25 ပူးပေါင်းရင်းမြစ်များ

1 PETERÙT 3:7

Nen, hit ap hogo re, Ala oabùt hano nen hinagagwì hinom higit hogoat hineluk motok logouagalùk esewerek hikikomo welagep atì nen, hit sapan ikenem Ala nen hinane asuk holhì'lek kamo inogo ìlùk, hinagagwì hinom hano logolìk, hina'la nen he, “Hìmì inomame lek,” ìlùk hùthìlìk, hinane agauk hogo yogoisìgìk, hinetawìrinapìk, ìkì logoino o.

KOLOSE 3:19

Nen, hit ap nagaiya'lak. Hinagagwì mep lagai'-lagak hogo hagarinapì'legat, hinetawìrogo logoino o.

EPESÙT 5:28

Atì hak, hit ap en he, hinokawerek hinebe hinetawì welagasep atì hak, hinagagwì lopok inebe, “An nokawerek nebe hakeat,” ìlùk, hinetawìrogo logoino. Ap he, inagagwì inetawìrogo welagaikarek mene atì, inokawerek inebeat inetawìrogo welagaikarek o.

EPESÙT 5:33

Mene re, hit hinebe hesik inomat isike. Hit ap he, hinokawerek hinebe hinetawìrogo welagasep hak, hinagagwì lopok hinetawìrogo welagìk, hit hìmì hinagonì lopok agaugerinapìk, ìkì logoino o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

ABÌKAKAN 5:9

Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

EPESÙT 5:24

Nen, nit Ala againapùrì Karìsùt awe a'ma logolìk ane hologo hagatorek hak, hit hìmì re, yì hesik tì hesik obogat hagasuogolùk he, hinagonìat inawe a'ma logolìk inane hologo hagatì logoino o.