EPESÙT 5:21 - Ala Ane Wene Ket Mene Warogo Wo'ninapike Wene

²¹ Ala atì'nogo hai watì logolìk he, Karìsùt agaugeratì logolìk, hit-hit aike nen aike awe a'ma logolìk inane hologo hagatì logoino.

EPESÙT 5:21 ပူးပေါင်းရင်းမြစ်များ

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

EPESÙT 5:24

Nen, nit Ala againapùrì Karìsùt awe a'ma logolìk ane hologo hagatorek hak, hit hìmì re, yì hesik tì hesik obogat hagasuogolùk he, hinagonìat inawe a'ma logolìk inane hologo hagatì logoino o.

EPESÙT 5:22

Nit Ala againapùrì ninebe Karìsùt ebe hake were'ma, at en telninapikesik he, ebe ninoe kain welagarek hak, hìmì inogogì kaintek he, inagonìat atì nen he, hit hìmì re, ninoe Etagepogot awe a'ma logolìk ane hologo hagatesep atì hagat, hinagonì lopok inawe a'ma logolìk, inane hologo hagatì logoino o.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

IBERANI 13:17

Hobuk Ala nen he, hit hinogogì mel yogoisegein: It inetaùken hesik nìkì'nogo hagatì lagasip, ìlùk yogoisikenem, it ina'la nen he, “Nit ninoba lopogat oko yogosugun hìgì,” ìlùk, hanorogo sethisek motok welagaikarek atì nen he, it inawe a'ma soma ìlìk inane hologo hagatì logoino o. Atì'nogo hagatì logogun halok he, it ina'la hairogo, hit hesik hagatì logogun atì. Meneat he, hit en it inane hologo hagatì logogun lek halok he, it ina'la weak logolìk, hit hesik we tùlemat hagatì logousak o.

1 PETERÙT 2:17

Apùnì obogat hinetawì nek logolìk hinane agauk hogo yogoisìkì logoino o. Atì'nogo yogoisìkì logolìk, hinerùgì hinagaiya'lak Ala againapùrì mene aike hinetaùken hutik logoino o. Logolìk he, Ala ebe hinayùk hago welagìk, nen, Kaisat etagepogot pemerintah mene inoe kain atì hogoratìk, ìkì logoino o.

1 TIMOTÌÙT 3:4

okawerek en againapùrì mene hano tegelogo hagisek were'ma re, at againapùrì nen inopase awe a'ma logolìk agauk hogo yogotìk, ane ikenem hologo hagatìk, egarek mene halok, inoabùt atìgìnìk mene halok Ala againapùrì serisek logousak o.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

1 TIMOTÌÙT 2:11

It inane lek hogoat logolìk, wene yakùlisikenem, inasuk hologoat logouak.

1 KORÌTÙT 16:16

It inoabùt hake halok, it aike it inom ning hogoat hagato halok he, obogat inawe a'ma kìlìk inane hologo logoino o.

1 PETERÙT 2:13

At Ala nen he, hit mel hagatì logouagalùk a'la akasike. Apùnì inetaùken lek mene nen wene inokot logolìk ìlì'lùgì atì, inekalì arìk inane lek asuagalùk, hit hinoabùt hano hagatì logouagalùk akasike atì nen he, ninoe Etagepogot hesik, apùnì nen pemerintah mene kain logouagalùk menhisasukwa mene atì, inebe obogat inawe a'ma kìlìk inane hologo hagatì logoino o. Atì'nogo hagatì logolìk, Kaisat etagepogot pemerintah mene kain esin hake atì mel, at en it gubernurlak apùnì weak hagatenem ùkùm inoba hìgìk, hano hagatenem hogorinapìk, hagatì logouagalùk inayoko hìlìk laksa wagarek mene atì mel, inane hologo hagatì logoino o.

2 KORÌTÙT 7:1

Halok he, nerùgì nagaiya'lak. Hinebe netawì e. At Ala nen atì'nogo logogun ìlùk abok yogonisasike atì nen, ninebe nen, ninetaùken nen, weak hagatorek mene atì, hanorogo horogo hebisùok o. Atì'nogo hebisìlìk, Ala ebe ninayùk logolìk he, ninebe at hesik hisìlìk logouok en, ninetaùken katok hogo wurigethìkì logouok o.

2 KORÌTÙT 5:11

Atì nen he, ninoe Etagepogorat ninayùk hogo logousak ìlùk hùthìkì logolìk he, apùnì nen wene atì hùthoagalùk ina'la kagalogo yogoisìlìk nìkì lago. Nit ninoabùt hagatì lago atì re, at Ala eilhanem weinam atì hak, hit hina'la nen nit hùthinìkì logousak akìkì lagì o.