EPESÙT 5:20 - Ala Ane Wene Ket Mene Warogo Wo'ninapike Wene

²⁰ Ninhùp-nanhùbat yì mene tì mene obogat hesik he, ninoe Etagepogot Yesùt Karìsùt etage palogo re, ninopase Ala hai watì logoino o.

EPESÙT 5:20 ပူးပေါင်းရင်းမြစ်များ

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

1 TESALONIKA 5:18

Ala a'la nen he, “Hit Karìsùt Yesùt hinom hutik logolìk, yì mene tì mene obogat hesik an hai wa'napi logousak o,” ìlùk akikerek atì nen he, atì'nogoat hagatì logoino.

IBERANI 13:15

Atì nen he, at Yesùt ninom hutik logolìk, nit en he, “Ala nopase,” ìlùk wam warogo at hesik wogotì logou hak, ninhùkwe-nanhùkwe ninape ba Ala etage hùkorogo hogorato motok logouok o.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

EPESÙT 5:4

Pailak haksagarek mene abok ìgìk, wene inetaùken lek egarek mene ìgìk, inekalìma mene hesik asegenabok ìgìk, usak lek mene atì ìgì'legat, Ala at hai watì logoino o.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

2 TESALONIKA 2:13

Nerùgì nagaiya'lak. Hinebe ninoe Etagepogot en etawì werek o. Ero ba Ala nen hinebe telhinabigìlùk wenakhinapikomo, hit en ebe wene atì eberogoat ìlùk wanhìk, nen, hinebe Ala Areagùn nen Ala okawerek hesik hakìlìk tegelogo hisìgìk, ìkì logogun atì ba telhinabigin atì nen, nit Ala hai wasusak higit hogoat, hit hesik hai wato motok welago.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 KORÌTÙT 1:4

Ala oabùt hano nen, Karìsùt Yesùt alisik hogo, hano mene wokhisikerek atì nen, ninhùp-nanhùp hai wato motok welagìrek o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

PILIPI 1:3

An he, ninhùp-nanhùbat hit hinoba motok eberek logolìk, nopase Ala at hai watì lagì.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

1 TESALONIKA 3:9

Nit ninopase Ala eilhanemat logolìk, hit hesik hai hakiko motok welago atì hesik, Ala hai motok apik watì logolì'mo re, hobuk hai nìkì'nogo wasu heat haga'larì'logo.

ÙRÙM 1:8

Nerùgì, nagaiya'lak. Wene ebe yogohisak en he, alep yì tak yogohisak. Apùnì o yì awì tì awì a'loma nen, hit obogat hinabok hano ìkì logolìk he: “It apùnì Ùrùm mene inetaùken Yesùt oba hìpìrethìlìk welagaikarek o,” ìlùk egarek atì nen, Yesùt Karìsùt yogorik enek, “Nopase Ala,” ìlùk hai watì lagì.

1 KORÌTÙT 15:24

Ninelugu'ninabìk he, o elùgùn oba arat haga'lasigin. Atì sat he, at Karìsùt en inebe kain welagaikarek atì mel, esewerek welagaikarek atì mel, inomame welagaikarek atì mel, motogat legetsìlìk he, yì mene tì mene, at awe a'ma werek mene obogat ninopase Ala awe a'ma logouagalùk eki ba hegein.