EPESÙT 5:18 - Ala Ane Wene Ket Mene Warogo Wo'ninapike Wene

¹⁸ Anggur eken amusu hùkorogo nikenem atì nen hinebe lùgùlùgì palìk weagathinabinogo nen he, nìkì logogùp o. At he, Ala Areagùn atìat hina'la peserogo wanino.

EPESÙT 5:18 ပူးပေါင်းရင်းမြစ်များ

ÙRÙM 13:13

O lìa ba logolìk hagatarek hak, ninoabùt higit hogo hagatì logouok. Pesta nalùk weak hagatìk, i negen nalùk lùgùlùgì palhìk, egarek atì hak hagasusak lek o. Yùgùnat pailak haksìgìk, inekalì lek hagatìk, egarek atì hak hagasusak legat o. Wene palhìk, ua palhìk, egarek atì hak hagasusak legat o.

1 KORÌTÙT 5:11

Atì'nog'o yogohisasigi atì re, wene ebe yì'nogo. At aike nen ìkì logolìk he: “An hinagaiyak Ala apurat o,” ìlùk ìkì logolìgat he, pailak haksìgìk, amì'mìk weak hagatìk, tùgì hareken oba hìpìrìk logolìk hogoratìk, ane aik weak wenagisìgìk, amusu lùgùlùgì paluogolùk nekarek a'nogo mene niko motok welagìk, apùnì lalinapìk, ikerek mene atì hake mene hinebe hinom lapuk hogo logousak legat, sùpùrùk hinom nìkì logousak legat, ìlùk yogohisasigi akìgì.

1 TESALONIKA 5:7

Apùnì nogo egarek atì re, hùakoat nogo egarek o. Nen, anggur eken amusu nìlìk lùgùlùgì hake palharek atì, hùakoat nìlìk palharek o.

LUKAT 12:45

Meneat he, at atitigeke mene atì oabùt weak halok he, a'la nen he, Noe a'nogo hepok wìrì'logo lek atì, logopik en wesigin hìgì, ìlùk, at oe atitigeke mene aike ap lek, hìmì lek, tùgì inoatìk, sùpùrùk mel, anggur amusu mel, oba lagolek nìlìk, wùrep oba, anggur amusu atì nen ebe lùgùlùgì palhìk, ìkì logolìk, at en he,

LUKAT 11:13

Hit hinoabùt weak hagatesep meneat he, inagainapùrì atì hano mene wogisagarek hinelumo re, hano mene wogisegesep atì. Ati hake, hinopase Ala pogot oba mene yogotì logolìk, Hareagan atì wo'nisan o, ìlùk, kìno yogotep halok he, wokhisegein lek nogo? Wokhisegeinat o,” ìlùk yogoisasike.

1 KORÌTÙT 6:10

yogot wanharek mene mel, inamì'mìk weak hagatarek mene mel, amusu lùgùlùgì paluogolùk nekarek mene a'nogo niko motok welagaikarek mene mel, inane aik weak wenagisagarek mene mel, ineki abusak wanharek mene mel, it apùnì atì'nogo hagatarek mene atì obogat Ala awe a'ma hisikere'ma atì esewerek asugun motok lek o.

TITUT 1:6

Apùnì Ala againapùrì aike serisek logouagalùk menhisasak atì re, inoabùt he, yì hake mene menhisasak. Apùnì aike nen, “At weak,” ìlùk ùkùm oba hili'lùgì lek mene halok, agwe omakeat waganek mene halok, againapùrì inetaùken Ala oba hìpìrìk welagaikarek mene halok, it aike nen ìkì logolìk, “Ap yì againapùrì inasuk ware'lek yùgùnat hagarì'lùgì atì ninabìt,” ìlùk, abok palì'lùgì lek mene halok, menhousak o.

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

MATÌÙT 23:25

“Hit ap Ala ane helal waganek esewerek mene yì mel, Parisi mene mel, hinogat oba nek hano salek hinetaùken pìre mene yoma rì! Hinageisoak mel, hinapirìng mel, etakwe nek he, lorogo sobalhì lagep meneat he, a'lakwe re, apùnì inagarok hineki abusak helegesep mene atì inom, An enek wo'ne'lep, ìlùk akegesep mene atì inom, motok peserek werek atì kolo o!

MATÌÙT 24:49

agaiya'lak inoe kain a'nogo atitigeke mene aike tùgì inoatìk, it ap anggur amusu lùgùlùgì paluogolùk nekarek mene inom lapuk hogo logolìk, sùpùrùk mel, anggur amusu atì mene mel, nìkìk,

YOHANET 2:10

Ane hakhasikomo wagaikomo re, mel yogosike: “Apùnì obogat en anggur eken amusu wogisìkì logolìk he, hano mene tak wogisikenem, ning hogo nikenem en, hobuk weak mene wogisagarek meneat he, hat enek he, hano mene hinakhìlìk welagatik en hobuk weinamethegen yì, nayùk e!” ìlùk yogosike.