EPESÙT 5:11 - Ala Ane Wene Ket Mene Warogo Wo'ninapike Wene

¹¹ It o mùmmo logolìk he, hanorinabigin lek mene weak hagarì'lùgì mene atì re, hinom lapuk hogo hagatì logousak lek. At he, atì'nogo hagatenem hukalogo wenagisìkì logoino.

EPESÙT 5:11 ပူးပေါင်းရင်းမြစ်များ

MATÌÙT 18:15

At Yesùt en atì'nogo yogoisasikesik he, aike mel yogoisasike: “Hat aike herei hagaiyak aike nen weak hagathape halok he, hat at oba lìlìk heperak hinaligat logolìk he, Atì'nogo hagasusak lek o, ìlùk pak hogoat asuk wa'no. Atì'nogo watenem, asuk holhe halok he, sagalogo heperak hano asusak.

LUKAT 3:19

Inasuk atì'nogo warìk nìkì logolìk he, at kain etagepogot Herotet atì nen agot agwe Herotia atì eki abusak wanhìk, weak tì weak apik hagatìk, hagarìk nìkì lagaike mene hesik, at inomat asuk wasikomo re,

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.

ÙRÙM 6:21

Mene re, atì'nogo hagatì lagagip atì hesik, nena mene sabùrasigip nogo. Alep hagatì lagagip mene atì hesik, yogotak hinekalì arì'logo atì. Atì'nogo hagatì logopik he, wùrep oba re, inebe motok wa'lagaikarek atìat o.

KALATIA 6:8

at sa nen oabùt esogat logolìk hagarì'logo halok, oabùt atì baat alema'lakegein atì. Mene re, at aike sa nen, Ala Areagùn eperak hutik logolìk, at mene hagarì'logo mene halok, Ala Areagùn atì nenat, eluk motok logouagalùk hanothegein atì.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

EPESÙT 5:12

It apùnì aike hinagasogo hagarì'lùgì mene atì inabok ìkì logou re, inekalì asusak atì nen he, inabok ìkì logousak lek.

EPESÙT 5:7

Halok he, hit it atì hinom lapuk hogo atì mene hagatì logousak lek o.

KOLOSE 1:12

ninopase Ala hai watìk, ìkì logousak atì. At ninopase nen, at againapùrì aike hinomat lìa ba hinawìwerek logouagalùk hagathinapikomo welagep atì nen, arat hai watì logousak atì.

1 TESALONIKA 5:7

Apùnì nogo egarek atì re, hùakoat nogo egarek o. Nen, anggur eken amusu nìlìk lùgùlùgì hake palharek atì, hùakoat nìlìk palharek o.

2 TESALONIKA 3:14

Wene helal waganogo hinoba lakhei wago mene atì, it aike nen inasuk hologo hagasusak inabìt mene atì, inekalì asuagalùk it inoabùt atì'nogo hagarì'lùgì mene atì hùthìlìk he, hinom hùnethìlìk logogùp o.

2 TESALONIKA 3:6

Nerùgì nagaiya'lak. Hit hinerùgì hinagaiya'lak aike Ala againapùrì meneat he, wene nit en hinasuk wasugu a'nogo hologo hagatì'lek heraksìlìk, ineki wanhì'lek kù'lìk souge nùgì mene atì, hinom hutik logogùp o.

1 TIMOTÌÙT 5:20

It aike inayùk asuagalùk, it eberogoat weak hagata mene hùgì, apùnì ineilhanemat inekalì warogo inasuk hanorogo watì logoino.

1 TIMOTÌÙT 5:22

Apùnì aike Ala hesik hagatì logouagalùk, inùkùloak hepok-hepok sebelinapì logogùn o. Nen, it aike weak hagatenem hinom hagatì'lek heil lopok hogo logoino.

2 TIMOTÌÙT 3:5

apùnì ineilhanem he, Ala againapùrì salek logolìk, ina'la nen Ala omama atì mene heraksìgìk, ìkì logogun o. Yogotak apùnì inoabùt atì hake aike hagarì'lùgì mene halok, hinom butik logogùp o.

TITUT 2:15

Hat en wene atìat yakùlisikenem, it aike ina'la nen meathageinogo, hane ning hogoat ina'la kagalogo inasuk watì logoino.

ABÌKAKAN 18:4

Atì'nogo yogosikesik oba nen opolik he, at Ala ane pogot oba nen aike mel ike: “Apùnì nen, yì mene tì mene opoloa'ma oba lou'-louk hìlìk lagegarek atì hak, it apùnì nen, at he atì inom weak hagato motok welagaikarek mene atì pogot oba higit lagaikomo, an Ala na'la eberek motok welagi atì nen he, an nen it ùkùm inoba hìlìk weagarinabigin. It weagarinapì logolìk, hit an nagainapùrì mene it hinom logolìk, it inoabùt waganogo weak hagasumo hinom weagathinabi nogo nen he, it heraksalùk hese wùlìbi we'ni o.