EPESÙT 4:9 - Ala Ane Wene Ket Mene Warogo Wo'ninapike Wene

⁹ “At ebe lagasike,” ìlùk isike atì ebe re, at ebe kweang a'ma baga pisikesik en lagasike, ìlùk u hak isike atì.

EPESÙT 4:9 ပူးပေါင်းရင်းမြစ်များ

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

MATÌÙT 12:40

At Yùnùt atì ikan alabut a'la werek kolek, o hi ìgìk, we ìgìk, iko kolek eki hinagan welagaike atì hak he, an abat ta'lasi wagagi a'nogo re, kweang a'la o hi ìgìk, we ìgìk, iko kolek, neki hinaganat logogin o.

IBERANI 2:9

Meneat he, at Yesùt enek he, arat kain menhesikomo werek hìkì lago. Ala oabùt hano nen, Yesùt apùnì obogat hesik wa'lasuagalùk malaikat inetagewerek esin negen werek kolek, at etage lek mea negen hagarogo hesikomo, ebe yì aik tì aik hìlìk hìlìk wa'lagaike atì ba, Ala nen at etagewerek kain menhesikomo werek atì.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

IBERANI 2:7

Ineki hamùlùgat oba elama hesik it malaikat mene inetagewerek esin hake werek kolek, nit ninetage lek mea negen hagarogo hinasigin meneat he,

YOHANET 8:14

at Yesùt en he, mel yogoisasike: “An wagagi mene mel, legein mene mel, hit hinokot meneat he, an enek he, nebe o atoma nen wagagi, nen hobuk o atoma legein, ìlùk nelu atì nen he, an nabok inelu asuagalùk nokawerek enat yogoisìkì lagì atì re, wene atì eberogoat yogoisìkì lagì o.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

YOHANET 6:58

Nen, sùpùrùk pogot oba nen pi wagaike mene yì re, hit hinopalak nìkì lagaukwa mene inebe wa'laga lagaukwa atì hake re, lek meneat he, ap sa nen sùpùrùk ebe mene yì niko halok, eluk motok logogin o,” ìlùk yogoisasike.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 6:41

Nen, at Yesùt en atì'nogo yogoisìkì logolìk, “Sùpùrùk horoti pogot oba mene atì re, an nebeat pi wagagi o,” ìlùk yogoisasike atì nen, it ap Yahuri mene nen, at abok ngùlùk-habuk palhì logolìk,