EPESÙT 4:6 - Ala Ane Wene Ket Mene Warogo Wo'ninapike Wene

⁶ Ninebe obogat ninopase Ala omakearat. At aligat ebe esin Etagepogot po ya welagarek. Nit obogat en yì mene tì mene hagatorek atì, ebe at enat hagaterek o. Hagatì logolìk, ebe nit obogat nina'la welagarek atì.

EPESÙT 4:6 ပူးပေါင်းရင်းမြစ်များ

ÙRÙM 11:36

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

1 KORÌTÙT 8:6

Atì'nogo meneat he, nit ninopase Ala ebe omakeat. Aike lek. Yì mene tì mene obogat at en elalhikomo re, ninebe at hesigat welago. Atì'nogoat, ninoe Etagepogot Yesùt Karìsùt ebe omakearat o. Yì mene tì mene obogat Ala nen elalhike atì, ebe at Yesùt en elalhikesik, ninebe at enat telninapikomo nineluk welago.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

MATÌÙT 6:9

Halok he, sapan ìkì logolìk he, yì'nogo ìkì logoino: Ninopase pogot oba mene hokawerek hetage esinethìkì logouagalùk, haga'ninabi me o. Ninebe hawe a'ma logouagalùk hina me o. It pogot oba hat ha'la akegetek mene hagatarek hak, nit kweangma atì'nogoat hagatì logouagalùk, haga'ninabi me o.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

1 KORÌTÙT 12:6

Atì'nogo eyabu hagatsìkì logolìk, nineki hùnogo tomok hagatorek mene atì, ebe obogat hagasuagalùk he, ninopase Ala omakeat mene nenat ninebe lopok omame wo'nisikerek o.

EPESÙT 6:23

Ninopase Ala mel, ninoe Etagepogot Yesùt Karìsùt mel, eperak enat, hit nerùgì nagaiya'lak Ala againapùrì obogat hano lapuk hogo hikìgìk, apùnì inetawìrogo welagaikarek mene atì wokhisìgìk, inetaùken at oba hìpìrìk welagaikarek mene atì inomat wokhisìgìk, uak o.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

EPESÙT 2:22

Atì hak he, hit Karìsùt hinom hutik were'ma, it aike hinom o omakeat Ala awì wùri'mo Areagùn logouagalùk, wùrogo hikìlì'logo atì.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

MATÌÙT 6:13

Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino. Oabùt weak mene atì nen eki ha'nisike halok, hat en telninapì logoino. [Ninopase Hetagepogot harat logolìk, yì mene tì mene hagasusak ene'ma re, harat hogothapo motok logogun o. Ebe asuak u hak, Amin,] ìlùk sapan atì'nogo ìkì logoino.

EPESÙT 1:21

Atì'nogo menhesike atì re, it pemerintah kain mene aike obogat mel, inetagepogot mene aike obogat mel, inogogì kaintek aike obogat mel, kaintek it aike inawe a'ma hagisek welagaikarek mene obogat mel, inetagewerek yogota'ne werek mene mel, hobuk logogun mene mel, obogat he, inetage lek meneat he, at Karìsùt enek he, esin hesaksek logouagalùk, menhesike atì.