EPESÙT 4:4 - Ala Ane Wene Ket Mene Warogo Wo'ninapike Wene

⁴ Ala nen hinayoko hìkì logolìk he, “An nen hanothinabigin o,” ìlùk, abok omakeat mene yogohisasike hak, at ebe omakeat mene hinom hùnetik, Areagùn omakeat mene wanhìk, isigip atì.

EPESÙT 4:4 ပူးပေါင်းရင်းမြစ်များ

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

LAKSASIKE 15:11

At ninoe Etagepogot Yesùt oabùt hano nen he, ninetaùken at oba hìpìrethikenem, nit telninapìk, it telinapìk, ninom higit hogoat telninaperek atì,” ìlùk yogoisasike.

ÙRÙM 11:29

At Ala oabùt hano nen yì mene tì mene wo'nisìgìk, ninebe wena'ninapìk, ìlìk en he, hobuk ane hùnogoat aike ikerek lek.

1 KORÌTÙT 10:17

Nit ninebe obogat en he, sùpùrùk omakeat mene kùrogo nokorek atì hake ninebe apik meneat he, omakeat o.

1 KORÌTÙT 12:20

Mene re, nineki ninesok yì mene tì mene ninoba apigat werek meneat he, ninebe omakeat o.

2 KORÌTÙT 11:4

It aike hinoba wìrìk he, nit en hano wene Yesùt hagasike wene yogohisasugumo wanhigip hak, yogohisìgì'lek. We, hùnogo mene yogohisikenem he, Ala Areagùn wanhigisibat he, hobuk aike mene areagùn wanhìk, hano wene wanhigisibat he, hobuk wene hùnogoat mene wanhìk, hina'la hairogo wanhì lagep hisìkì lagì o.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

EPESÙT 2:16

At Karìsùt ebe e ba menhìlìk wasukwama wa'laga logolìk, Ala ninom weak weim palek negen welagagu mene atì, legetsìlìk he, ninebe o'moko mene, o'moko mene ninom, omakeat lapuk hogo hinìlìk, Ala oba wo'nisek wagaike atì.

EPESÙT 2:22

Atì hak he, hit Karìsùt hinom hutik were'ma, it aike hinom o omakeat Ala awì wùri'mo Areagùn logouagalùk, wùrogo hikìlì'logo atì.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

1 TIMOTÌÙT 1:1

Timotìùt naput e. Hetaùken Karìsùt oba hìpìrethesigin atì nen, an naput eberogoat agaginmo re, wene yì an Paùlùt en helal palogo hoba lakhei wagì atì. At Ala telninapùkwe ho, Karìsùt Yesùt en hano'ninabigin ìlùk nina'la akìkì lago mene a'nogo ho, eperak enat nayoko hìlìk, at Karìsùt Yesùt hesik hagatì logouagalùk lakhani wagaukwama wagagi atì. Ninopase Ala ho, ninoe Etagepogot Karìsùt Yesùt ho, eperak inoabùt hano a'nogo nen, hano mene wokhetik, inetawìthapìk, hetaùken hapuguthapìk, ìkì logouak o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

TITUT 3:7

At Yesùt oabùt hano nen ùkùm ninoba mene korogo wokhìlìk, Ala ninom ninapotkwe hùnogo hinasikomo, nit nina'la nen he, “Nineluk motok logogun o,” ìlùk akìkì lago atì higit hogo eseweregat asuagalùk Ala Areagùn wo'nisasike ìlùk,

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.