EPESÙT 4:32 - Ala Ane Wene Ket Mene Warogo Wo'ninapike Wene

³² Heraksìlìk he, hit-hit hinoabùt enago lìoksek logolìk he, hit weak hagatì lagagip mene at Karisùt en sagalogo legethesike mene, Ala nen legetsasike atì hak, hinerùgì hinagaiya'lak aike nen weagathinapo halok he, wene atì legetsìkì logoino o.

EPESÙT 4:32 ပူးပေါင်းရင်းမြစ်များ

MATÌÙT 6:12

Apùnì nen nit weaga'ninapa mene, nit en sagalogo legetsogo atì hak, nit weak hagato mene hat en sagalogo legetsano o.

MAREKÙT 11:25

Hit aike melarìk sapan ìkì logolìk he, weak hagatep mene ninopase Ala pogot oba mene nen sagalogo legetsoagalùk, apùnì nen hit weagathinapa mene hit en eken inoba hìlìk welagep halok he, atì sagalogo heraksano. [

LUKAT 1:78

Ninopase Ala atì ninebe etawì'ninabìk he, o hìl lakhei wagarek hak, mo po'loma nen ninoba lakhei waga logolìk,

LUKAT 11:4

It apùnì nit weak haga'ninabì'lùgì mene inebe lopok nit en sagalogo legetsogo atì nen, nit en weak hagatì lago mene hat en sagalogo legetsano. Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino, ìlùk sapan ìkì logoino,” ìlùk yakùlisasike.

LUKAT 17:4

Ap atì nen ineki omake sat he, eki 7 nen hobugalep weak hagathabìk he, ninhùp-nanhùp eki 7 nenat hoba wìrìk, Weagathapì mene atì noabùt hebelaga o, ìlùk yogohesi waga halok he, sagalogo legetsìkì logoino,” ìlùk yogoisasike.

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

LUKAT 6:37

Atì'nogo yogoisasikesik he, wene aike mel yogoisasike: “Ala nen ùkùm hinoba heinogo ìlùk he, hit en apùnì aike ùkùm inoba hùgùp o. Ala nen ùkùm hinoba hìlìk he, weagathinabinogo ìlùk, hit en apùnì aike ùkùm inoba hìlìk he, weagarinapùp o. Halok he, hit an weak hagatì lagep mene Ala nen sagalogo legetsoagalùk he, apùnì nen weagathinabì'lùgì mene hit en sagalogo legetsìkì logoino o.

LAKSASIKE 28:2

Yogonisasukwasik, ina'la hairogo akiluk hogo wo'ninapukwasik, o moso wagaikomo re, aiyeke nen sogoi isakoagalùk etu nokalogo hinasukwa.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

1 KORÌTÙT 13:4

Apùnì aike inebe inetawìrogo logolìk he, inepe morogo welagaikarek atì. Atì'nogo inetawìrogo logolìk he, inoabùt hano, inabuage lek logolìk, inokawerek en sebirakìgìk, hogorakìgìk, egarek lek atì.

2 KORÌTÙT 2:10

At en hit weagathinape mene ati, hit en sagalogo heraksegep halok he, an nen sagalogo heraksegeinat o. An nen sagalogo heraksasak mene werek halok he, at Ibilit, oabùt lagak hogo hagaterek ninelu ati nen, mabene'ninabinogo ìlùk, hit hesik, at Karìsùt eilhanemat sagalogo heraksegein o.

2 KORÌTÙT 2:7

Hobuk he, at weak hagasike mene atì, a'la motok weak arìk, ebe weak asinogo ìlùk he, a'la hano asuagalùk weak hagasike mene hit en sagalogo heraksìlìk, etaùken sebelino.

2 KORÌTÙT 6:6

Atì'nogo hìkì logolìgat he, ninoabùt weak hagatì'lek tegelek logolìk, hano wene ninelu welagìk, ninepe morogo welagìk, ninoabùt enago welagìk, ìkì lago. At Ala Areagùn nina'la logolìk apùnì inebe eberogoat ninetawìrogo welago.

EPESÙT 5:1

Hinebe Ala againapùrì at etawi mene welagep atì nen he, at oabùt wanino.

YAKOBÙT 5:11

Weagarinapo kolek, inepe morogo welagaukwa atì nen, nit en inabok hano ìkì logolìk, “It hano agaikasik ina'la hai hakìlì'lùgì,” ìlùk ogorek atì. At Ayùp a'la pùk agì'lek epe morogo welagaike ba, ninopase Etagepogot oabùt hano nen hùkorogo etawìrinaperek mene a'nogo nen, wùrep oba hanothesike atì abok hinasuk holhesebat o.

2 PETERÙT 1:7

Ala a'la walok akikerek higit hogo hagatì logolìk, atì mene oba louk hogo re, inerùgì inagaiya'lak inetawìrogo welagaikarek atì mene, ese a'no. Hinerùgì hinagaiya'lak hinetawìrogo logolìk, atì mene oba louk hogo re, apùnì inebe obogat inetaùken hutik welagaikarek atì mene, ese a'no.

1 YOHANET 1:9

Mene re, nit weak hagato mene hukalogo hogoin halok, at oabùt higit motok logolìk, wene wa'nisikerek hagat hagateresi'mo re, nit weak hagatorek mene sagalogo heraksìlìk, weak hagasuogolùk nina'la kagalhorek mene sobalninaperek.

1 YOHANET 2:12

Nagainapùrì e. Weak hagatì lagagip mene Ala nen aput Yesùt hagasike atì ba sagalogo heraksasike atì nen, an nen helal waganogo hinoba lakhei wagì o.