EPESÙT 4:31 - Ala Ane Wene Ket Mene Warogo Wo'ninapike Wene

³¹ Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

EPESÙT 4:31 ပူးပေါင်းရင်းမြစ်များ

LAKSASIKE 21:30

Inane atì'nogo hùkorogo kwe ikenem, o kota atoma inane apigat sagalìk lagaukwama re, apùnì humusegat atogosi wìrìk, Paùlùt ebe hakhìlìk, Ala awì wùrì'mo nen eki lisogo eta'ma wulakhei wìrìk he, Ala awì wùrìk kwe yagasukwa.

ÙRÙM 3:14

Inane pùk wea'ma re, homan hisìlì'lùgì mene ina'la peserek logolìk iko motok werek.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

1 KORÌTÙT 5:8

Halok he, pesta Paskah nìkì logolìk, eken horoti hisuagalùk a'la pelaparek mene a'la pelapì'lek mene nekarek hak, nit weak hagatìk, pailak haksìgìk, ìkì logousak lek o. We, ninetaùken omakeat logolìk, eberogoat mene nek hagatì logouok o.

2 KORÌTÙT 12:20

An hobuk hinoba wesigin atì wìrìk he, an nen, “It inoabùt hano were'ma legein,” ìlùk akìkì lagì hak, lek. We, weak were'ma hisa wagìk, nen, hit en he, “At Paùlùt oabùt hano,” ìlùk egesep hak, lek. We, weak logolìk hisa wagìk, inogo ìlùk, nalabut hìrì'logo. Hit-hit hinom weak welagìk, ua palhìk, hina'mage lagagìk, hinokawerek hesik enek hagatìk, inabok weak weinam palhìk, hinagasogo palhìk, hinokawerek en hogorakìgìk, yùgùneke-yaganeke hagatìk, ikenem an wesusak atì, nayùk.

KALATIA 5:20

tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

EPESÙT 4:25

Nit obogat ninebe at Karìsùt eki esok hake ninom hutik welago atì nen he, inapeliak egarek mene atì heraksìlìk he, hinerùgì hinagaiya'lak hinom hinane eberogoat mene enek ìkì logoino o.

EPESÙT 4:26

Hina'mage lagaike halok, weak hagatùp. Hina'mage ìlìgìk were'ma, Ibilit en hina'la kagalinogo ìlùk, o mo eileken kopok hogo kìgì'lek werek kolek, sagalogo lìogora'no o.

KOLOSE 3:19

Nen, hit ap nagaiya'lak. Hinagagwì mep lagai'-lagak hogo hagarinapì'legat, hinetawìrogo logoino o.

KOLOSE 3:8

Atì'nogo meneat he, yogotak hit hinoabùt aike yì mene obogat heraksasagat. Ina'mage lagaikerek atì mel, ina'makwe heperikerek atì mel, it aike weagarinaparek atì mel, inape ba re, inabok weak palhìk, weak hagatarek mene asegen sabok ìgìk, egarek atì mel, heraksìkì logoino.

1 TIMOTÌÙT 3:11

Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.

1 TIMOTÌÙT 3:3

i anggur amusu oba lagolek nikerek lek mene halok, oabùt asialok hogo hagatì'lek, enago, lìok hogo welagarek mene halok, a'la nen uang walok apik akikerek lek mene halok,

1 TIMOTÌÙT 5:13

Atì'nogo hagatì logolìk, inoabùt he, ineki wanùhùk o kùlùk ya ha'lagìk negarek. Atì'nogo nìkì logolìk he, aike weak motok mel hagarì'lùgì. Inane hùsipi weak ìkì logolìk it aike inawene meneat talepogoke ìgìk, wene aike usak lek mene hanogoat mene ìgìk, ilik nùgì atì.

2 TIMOTÌÙT 2:23

Ati'nogo hagatì logolìk, it apùnì aike inetaùken abìt mene nen wene inokot logolìgat, wene serep arì'lùgì atì elùgùn oba re, it-it inom weim negen yabì'lùgì atì, inom hagatì'lek heraksìkì logoino.

2 TIMOTÌÙT 3:3

apùnì inebe inetawìrogo welagì'lek inabìrat welagìk, it aike inom kolo hagarìk sagalogo logou re, inabìrat welagìk, inabok weak palhìk, inoabùt asialok hogo, wulagam hogo hagatìk, hano mene hagasu inabìt logolìk,

TITUT 1:7

Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

TITUT 2:3

Ati hagat he, it hìmì inalùgetek mene atì, apùnì Ala awe a'ma logolìk, inoabùt higit hogo hagatarek hak, hagatì logolìk, apùnì aike inabok weak palhìi'legat, inogogì kaintek inawe a'ma welagaikarek hak, i anggur eken amusu awe a'ma negen logolìk, inoba lagolek nekarek atì'nogo nìkì'legat logolìk, it en it aike hanorogo hagatì logousak hesik, yakùlisìkì logouagalùk inasuk watì logoinoat o.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

YAKOBÙT 3:14

Mene re, hina'la kolo arìk ua palhìk, hinokawerek hesik enek ebetìk, ìkì logolìk he, hinokawerek en, “An hano,” ìlùk hogorakìkì logogùp o. Atì'nogo hagasugun halok, Ala ane ebe wene atì mene sagalogo hinapeliak en ugun atì usak lek o.

YAKOBÙT 4:11

Nerùgì nagaiya'lak. Hit-hit hinabok pal-pal ìkì logousak lek. Hinerùgì hinagaiya'lak aike inabok palhìk, ùkùm inoba hìgìk, egep halok he, wene Ala nen ninasuk wasike wene a'nogoat weak ìlùk u hagat ìkì lagep atì. Nen, wene atì weak ìlùk ìkì lagep halok, wene atì hinasuk hologo hagatì lagep hùk. We, hit en he, “Wene atì weak. Ebe hano re, tì'nogo usak mene isikomo,” ìlùk u hak ìkì lagep atì.

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

1 YOHANET 3:12

Nit en he, at Kain ebe Ibilit oabùt weak mene atì aput agaikesik okawerek agot mene wasike atì hak hagasusak lek o. At en agot wasike atì, nenahalok wasike nogo. At hagatì lagaike mene kolo motok, nen, agot hagatì lagaike mene higit motok, atì nenat wasike o.

1 YOHANET 3:15

Inerùgì inagaiya'lak inapsìrì welagaikarek mene atì, it inebe lopok apùnì inoare meneat o. Nen, it apùnì inoare mene atì, inebe lopok nabùlal-habùlal ese agì'lek motok werek, ìlùk ninelu o.

ABÌKAKAN 12:10

Atì'nogo mabenetsìlìk, pelaksa wagama, pogot oba nen inane hùkorogo mel ikenem holhì: “At atì nen Ala eilhanem apeliagat it ninerùgì ninagaiya'lak likene hùako ùkùm inoba hiko motok welagarek mene a'nogo arat mabenetsìlìk ebe wulaksaga atì hano o. Ninopase Ala Etagepogot kain logolìk, telninabuagalùk Karìsùt menhesike a'nogo, yì mene tì mene obogat esewerek logolìk, eperak inomame agaikasik telninabìk, inawe a'ma arat hinaga yì o.