EPESÙT 4:30 - Ala Ane Wene Ket Mene Warogo Wo'ninapike Wene

³⁰ Ala nen hobuk hinebe hanothinabigìlùk lilu at Areagùn wokhisasikomo hina'la werek atì, a'la kolothùgùp o.

EPESÙT 4:30 ပူးပေါင်းရင်းမြစ်များ

1 TESALONIKA 5:19

Ala Areagùn ane sebelogo hìgìk,

LAKSASIKE 7:51

Hit apùnì yoma hinoabùt motok weak hinasuk holùhùk, hinogat hinekalìma mene palek logolìgat he, hinetaùken tegele'lek logolìk hinasuk ware'lek hagatì lagep yì rì! Hinopalak en: Ala Areagùn ane atì ninabìt, ìlùk ìkì lagaukwa hagat, hit it inoabùt waganogo ìkì lagep yoma rì!

ÙRÙM 8:23

Pogot kweang yì mene tì mene an nek heinet watì logolìk, inetawì ane ìlì'lùgì hùk. Ala nen he, “Hinebe an nagainapùrì. Arat wokhinapì o,” ìlùk ninebe ninetaùken ninogat obogat hano'ninabigin mene oan logolìk, sùpùrùk emakum lilu nekarek hak, at Areagùn emakum wo'nisasike meneat he, ebe hobuk haga'ninabigin mene atì serogo logolìk he, heinet watì logolìk ninetawì ane ìkì lago.

ÙRÙM 8:11

At Ala nen he, Karìsùt Yesùt wa'lagaikesi'mo eluguthesikomo re, at Areagùn hina'la logolìk he, hinebe hinogat wa'lagasep mene yì hineluguthinabiginat. Atì re, at Areagùn nen Karìsùt ebe wa'lagaikesi'mo eluguthesike a'nogo hina'la welagarek atì nen hineluguthinabigin o.

MAREKÙT 3:5

Kamo isukwama re, at Yesùt eileken isìlìk lagaikesik he, a'la nen he: “Inoabùt lagai-lagorek yì rì!” ìlùk a'la kolo arìk a'mage lagasike. A'mage lagalìk inoba uarek he, ap a'nogo mel yogosike: “Heki kothan o,” ìlùk yogosikomo re, eki kothasikomo arat hano agaike.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

IBERANI 3:17

Nen, o mo lagagìk, pìgìk, iko kolek, 40 tahun oba logolìk, Ala a'mage sanì inoba hìkì lagaike nogo. It atì re, weak hagatì lagaukwama, o leimo apùnì le'ma motok wa'larìk wagaukwa amanogo akìgì.

1 KORÌTÙT 15:54

Ninebe hili agorek mene yì, hili asigin lek mene labetìk, nen wa'lagorek mene yì, wa'lasugun lek mene labetìk, ugun. Atì'nogo labesugun atì ba, wene mel ìlùk helal waganogo hesukwa mene atì ebe asigin: “Yì mene tì mene haum hogo nekarek hak, At Ala omame arìk he, wa'lagaikarek ero atì, legetsegein o.”

LUKAT 21:28

Wene obogat haga'lasigin ìgì atì, elopit ero ba werelaga halok he, hit hina'la nen he, Telninabigin a'nogo arat horok asi waga o, ìlùk, hinebe melarìk hinot leguogo logoino,” ìlùk yogoisasike.

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.