EPESÙT 4:29 - Ala Ane Wene Ket Mene Warogo Wo'ninapike Wene

²⁹ Weneane uogolùk halok he, weak mene ìkì logogùp o. Wene hano mene ikenem it aike inetaùken akut mene inasuk holugun mene atì Ala nen hanorinapenem, inetaùken wurik asuagalùk, wene hano mene nek ìkì logoino o.

EPESÙT 4:29 ပူးပေါင်းရင်းမြစ်များ

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

LUKAT 4:22

it apùnì amanogo nen he, mel isukwa: “At yì ap Yùsùp aput a'nogo lek nogo? Arat o. Meneat he, at en wane hano motok yakùlnisike atì nayùk e,” ìlùk hogorasukwa.

YOHANET 1:37

agoromì inebe pìre aremnogo at ane yogoisasike mene inasuk holhukwasik he, Yesùt opolik lagaukwa.

ÙRÙM 14:19

Halok he, ninetaùken hapuk hogo logouogolùk, nit-nit aike nen aike etaùken wurigethìgìk, aike nen, aike etaùken wurigethìgìk, ning hogo hagatì logouok a.

ÙRÙM 15:2

Ala ane ba wene mel ìlùk helal waganogo hesukwa: “Hat Ala wenakheta mene re, an noba age o,” ìlùk helal waganogo hesukwa higit hogoat, at Karìsùt en he, okawerek hesik a'la hai hakìkì logoigìlùk hagatì lagaike lek. Atì nen, nit ninebe lopok en he, ninerùgì ninagaiya'lak inetaùken Ala oba hìpìrethìlìk inetaùken wurik arìk hano asuagalùk, ina'la hanorogo hagatì logouok o.

1 KORÌTÙT 14:19

Mene re, an Ala againapùrì ninom atogorek logolìk wene yakùlisagalùk he, inane nokot mene elalinat apik hogo ìgì'lek, we, hùthasak mene nane hamùlùgat 5 ba nek umo hano ìlùk yogoisìgìrek.

EPESÙT 4:16

Ninebe nineki ninesok ninoba hutik welagarek mene aike obogat ninomaken oba hutik hano logolìk, hùnogo tomok hagasusak mene hagatenem, ninebe hano welagorek atì hak, nit ninoe Etagepogot Karìsùt ebe ba ninom hutik logolìk, ninoabùt lopok hagatì logousak mene higit hogo hagatì logogun halok, apùnì inalùge aga logolìk inetaùken wurik agarek hak, apùnì aike inebe ninetawìrogo hagatì logolìk, ninebe Karìsùt ebe hake ninomame arìk logogun atì.

KOLOSE 4:6

Hinane yì hesik tì hesik it aike yogoisìkì logolìk, yì mene tì mene mayu helhenem etuk hano egarek hak, “Wene atì hano ù,” ìlùk, wanuagalùk, hinane lìok hogo yogoisìkì logoino. Atì'nogo yogoisikenem, it hinoba hinok wanhenem, wene oko inebe lopok yogoisoageip en, hinelùrogo logoino.

1 TESALONIKA 5:11

Ati nen, hit yogotak ya hagatì lagep hagat, hit-hit hinasuk wat-wat ìgìk, hinetaùken ago wat-wat ìgìk, ìkì logoino o.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

1 PETERÙT 3:1

Ati hak, hit hìmì aike hinagonì Ala ane wanhì'lek mene hinane yogoisogoin oba hùk. We, hinoabùt hineil lopok hogo hinagonì inane hologo hagatenem, it en ineileken hisìlìk, Ala werekwe wìrìk ane wanuagalùk, hinokawerek hinagonì lopok inawe a'ma kìlìk inane hologo hagatì logoino o.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.