EPESÙT 4:25 - Ala Ane Wene Ket Mene Warogo Wo'ninapike Wene

²⁵ Nit obogat ninebe at Karìsùt eki esok hake ninom hutik welago atì nen he, inapeliak egarek mene atì heraksìlìk he, hinerùgì hinagaiya'lak hinom hinane eberogoat mene enek ìkì logoino o.

EPESÙT 4:25 ပူးပေါင်းရင်းမြစ်များ

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

ÙRÙM 12:5

Atì hak he, ninebe apigat welago meneat he, Karìsùt ninom omakeat hùnogo hinasikomo welago yì. Ninebe omakeat mene re, nineki ninesok ninebe hutik welagarek atì hak, ninerùgì ninagaiya'lak ninom atì'nogo welago.

1 KORÌTÙT 10:17

Nit ninebe obogat en he, sùpùrùk omakeat mene kùrogo nokorek atì hake ninebe apik meneat he, omakeat o.

2 KORÌTÙT 7:14

An nen alebat Titut yogotì logolìk he, “It hobuk hano hagasugun,” ìlùk agaugethinapì lagagi hak hagatepma re, an nekalì agì lek o. Nit en yì wene tì wene eberogoat enek yogohisasugu hak, at Titut yogotì logolìk hit agaugethinapugu atì re, eberogoat o.

EPESÙT 4:15

Meneat he, ninoabùt inalùgetek inoabùt hakeat wanhì logousak. Apùnì inebe ninetawìrogo logolìk, wene eberogoat enek ìgìk, yì hesik tì hesik hagatì logolìk ninoe Etagepogot Karìsùt etaùken katok hogo wurik logolìk hagatì lagaike hak hagatìk, ìkì logolìk, at oabùt wanhì logousak o.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

EPESÙT 4:31

Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

KOLOSE 3:8

Atì'nogo meneat he, yogotak hit hinoabùt aike yì mene obogat heraksasagat. Ina'mage lagaikerek atì mel, ina'makwe heperikerek atì mel, it aike weagarinaparek atì mel, inape ba re, inabok weak palhìk, weak hagatarek mene asegen sabok ìgìk, egarek atì mel, heraksìkì logoino.

KOLOSE 3:9

Su alep mene nokologo laksìlìk he, hobuk ket mene labetarek hak, hit hinoabùt alep hagatì lagagip mene heraksìlìk, hobuk hinoabùt ket mene wanhìgip atì nen, hinapeliak ìkì logogùp o. Hinoabùt ket mene atì, Ala nenat elalhinapikesi'mo nogo nen he, at okawerek oabùt hake haga'larìk he, ebe motok tùkùm hogo hinelu asuagalùk, hobugalebat hagathinabì'logo atì.

1 TIMOTÌÙT 1:10

ap en hìmì pailak haksìgìk, ap-ap haksìgìk, egarek mene mel, apùnì aike inagainapùrì mene ineki abusak hinaginaparek mene mel, inapeliak egarek mene mel, “Wene eberogoat igin,” ìlùk Ala etage hopuk paligat he, lalinaparek mene mel, it obogat atì'nogo hagatarek mene hesik isike. Nen, it aike inoabùt ebe wene hano'ninaperek wene atì sagalogo heraksìlìk kolo hagatarek mene an ìgì'lek mene obogat aike hesik inomat isike.

1 TIMOTÌÙT 4:2

Hagatì logolìk he, apùnì ineki aum arì'mo, kì mene hakogo heat ìlùk egarek atì hak, it atì ina'la min arìk he, Yì weak hagatoma hìgì. Yì hano hagatoma hìgì, ìlùk akìgì'lek yùgùnat hagatì logogun. Atì'nogo hagatì logolìk, inapeliak lal-pal hogo hagarinapì logogun atì.

TITUT 1:12

Apùnì o Kereta mene inokawerek mene aike wene a'la kagauksek yakùlisìkì lagaike mene aike nen, wene mel isike: “It apùnì o Kereta mene yoma inoabùt he, inapeliak iko motok logolìk, wam helo mene oabùt hake. Yabu wanùhùk logolìk, yì mene tì mene siok hogo nahùk inalele weak yì rì!”

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.

YAKOBÙT 1:21

Ati nenat, yì weak tì weak hinekalì lek hagarìk negesep mene atì heraksìgìk, kolo hùkoat hagarìk negesep mene atì heraksìgìk, ìkì logoino o. Wene hano wene Ala nen hina'la awì yagasogo hesike mene atì ba elok telhinabusak atì nen, at awe a'ma kìlìk, at en wene hina'la kagalì'logo mene atì wanhì logoino o.

1 PETERÙT 2:1

Atì nen, hit weak hagatì lagep mene atì motok heraksìlìk logoino o. Apùnì aike lalinapìk, hinetaùken pìre hagatìk, ua palhìk, hinapeliak en apùnì aike inabok weak palhìk, ìkì lagep atì, heraksìkì logoino o.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

ABÌKAKAN 22:15

Atì'nogo meneat he, it apùnì aike weak ina'meilo mene hagatarek mene mel, it wesagùn akolek inoatarek mene mel, it pailak haksìgìk, haksoagalùk hagatìk, egarek mene mel, it apùnì inoare mene mel, it inetaùken tùgì hareken oba hìpìrìk logolìk hogoratarek mene mel, it inape ba nen lalinapìk, yì mene tì mene hagatì logolìk, lalinapìk, egarek mene inebe lopok mel, obogat o kota atì abel etakwe logogun o,” ìlùk yogonete.