EPESÙT 4:24 - Ala Ane Wene Ket Mene Warogo Wo'ninapike Wene

²⁴ Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.

EPESÙT 4:24 ပူးပေါင်းရင်းမြစ်များ

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

EPESÙT 6:11

At Ibilit oabùt lagaksek mene a'nogo nen weagathinabigìlùk waganem, weim yabuogolùk sìng ìtarek hak, hit hinebe metegat logouogolùk he, at Ala nen yì mene tì mene wo'nisikerek mene atì obogat hinogat laberogo logoino o.

ÙRÙM 6:4

Ima pela'ninapì logolìk he, at ebe warek salhukwa hak, nit at ninom hutigat were'ma warogo hinasukwa. Nan, at Karìsùt wa'lagaikesi'mo nen, opase omame apik hogoratarek mene a'nogo nen eluguthesike hak, nit yogotak ninelugu'ninapikomo ninoabùt ket hùnogoat hagatì logouok o.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

2 KORÌTÙT 4:16

Atì nenat, nina'la pùk arìk heraksìgì'lek ning hogo hagati lago. Ninogat etakwe yì re, weak aga kolegat he, nina'la a'makwe re, ninhùp-nanhùp ket haga'ninapo motok werek.

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

YOHANET 17:17

Hat hane egetek atì re, ebe weneat. Nen, hane ebe wene atì ba, it inebe hat hokawerek hesigat logouak en wenagasogo hisan o.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

KALATIA 3:27

Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.

1 KORÌTÙT 15:53

Ninebe hili agorek mene yì, hili asugun lek mene su labetarek hak labetìk, ninebe wa'lagorek mene yì, wa'lasugun lek mene labetìk, ugun o.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

IBERANI 1:8

Meneat he, aput yogotì logolìk: “Hat hebe Ala at logolìk, yì apùnì ti apùnì hagisek motok logogin. Atì'nogo logolìk, wene higit hogo nek halisìkì logogin o.

ÙRÙM 7:6

Alep he, wene Ala nen ninasuk wasike wene a'nogo ba hele warek negen welagagu mane, Karìsùt wa'laga logolìk nit ninomat wa'lagagu atì ba, Ala nen hele hikalninapikomo welago. Yogotak he, Ala atitigeke logolìk, wene at en ninasuk wasike wene helal waganek mene nineileken enek hìthìkì logolìk, hagatì lagagu atì hak he, hagatì lago lek. We, Ala Areagùn nen ninoabùt ket mene haga'ninapo kolek, hagatì lago.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.