EPESÙT 4:17 - Ala Ane Wene Ket Mene Warogo Wo'ninapike Wene

¹⁷ An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

EPESÙT 4:17 ပူးပေါင်းရင်းမြစ်များ

ÙRÙM 1:21

Ala ebe atì'nogo inelu logoligat, it en he: “Ala ebe Walhobak at o,” ìlùk, ebe hogoratì'lek, hai watì'lek, welagaukwa. Atì'nogo logolìk he, hùnogo mene ebe mene lek meneat he, wenesùgì oba ebetì lagaukwa atì nen, inetaùken abit agaike atì.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.

KOLOSE 2:4

It aike inapeliak meneat he, inane eberogoat salek lalhinabinogo ìlùk yogohisìgì atì.

1 PETERÙT 1:18

Alep he, hinapu hinopalak hagatì lagaukwa atì hak, it inoabùt waganogo lek asigin mene hesik tùlemat alemarogo hagatì lagagip atì nen, hineki hele warek negen were'ma, Ala nen hinebe hinoko palogo telhinapike atì hineluat o. Oko atì re, lek asigin mene emas oba, perak oba hinoko palhinapike hùk.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

LAKSASIKE 14:15

“Ap sanì. Hit nìkì'nogo hagatì lagep. Nerùgì nagaiya'lak. Nit ninebe re, hit hake apùnì meneat. Mene re, hit en yì mene tì mene tùlemat mene hagatì lagep mene atì heraksìlìk he, hinoabùt hebelarìk, hinelokwe Ala eluk motok welagarek mene atì wogosuageip en ìlùk wene yogohisa wago mene o. At Ala atì re, pogot mel, kweang mel, i laut hùko yekelek mel, yì mene tì mene pogot oba, kweangma, ima welagarek mene mel, walhasike mene o.

2 TIMOTÌÙT 4:1

At Karìsùt Yesùt ebe hobuk kweangma weinam hogoat wìrìk he, apùnì ninebe nineluk welago mene mel, wa'lagaukwa mene mel, obogat ùkùm ninoba hìgìk, kotìk, igin. Hìkì logopik, yì apùnì tì apùnì obogat awe a'ma hisìlìk at ebe kain logogin atì nen, an nen, ninopase Ala mel, Yesùt mel, eperak ineilhanem, hat en ebe wene apùnì yogoisìkì logoinogolùk hasuk warogo yogohesik. Apùnì hano wene yogoisikenem holusak werek kolek mel, inabìt werek kolek mel, holuagalùk wene atì ning hogo yogoisìkì logoino. Ha'la pùk agì'lek yakùlisìkì logolìk he, weak hagatenem hane pak hogo yogoisìgìk, inasuk watìk, inetaùken ago warogo yogoisìgìk, ìkì logoino.

1 TIMOTÌÙT 6:13

Ala apùnì ninebe mel, yì mene tì mene mel, obogat ninelugu'ninaperek mene a'nogo eilhanemat, Karìsùt Yesùt apùnì nen ap Potìùt Pilatùt oba wolok lagaukwama, ane eberogoat pak hogo yogosike a'nogo eilhanemat, wene yì hasuk warogo yogohesigin.

1 TIMOTÌÙT 5:21

Wene yogohetì mene atì, hat en he, apùnì aike helokoma hisìgìk, aike hapotma hisìgìk, ìgì'lek higit hogo yogoisìkì logoino, ìlùk Ala mel, Karìsùt Yesùt mel, ineilhanemat, malaikat Ala nen wenaginapikesik yoko pelaksa wagarek mene mel, ineilhanemat yogohetì atì.

1 TESALONIKA 4:6

Ati mene hesik higit hogo hagatì logolìk he, hinerùgì hinagaiya'lak ineil salogo inagagwì inagonì mene pailak haksasak lek o,” ìlùk, Ala a'la nen atì'nogo akìlìk yogonisikerek atì. Atì'nogo ikerek atì nen, alebat nit en ìkì logolìk he: “It apùnì pailak atì'nogo haksagarek mene hùgì, ninoe Etagepogot en ùkùm inoba hegein werek o,” ìlùk, hinasuk ning hogo warogo yogohisasugu atì.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

EPESÙT 1:22

Ala nen yì mene tì mene pogot oba kweangma welagarek mene obogat waganogo at aligat eki ba hìlìk, Ala againapùrì atogotì lago mene yì hesik tì hesik kain he, Karisùt at wo'nisasike atì.

KALATIA 5:3

Hit aike hinogat hinekalìma mene palhinabuagalùk, it aike inayoko hogoin halok he, hinebe lopok hinasuk hobuk wasik. Atì'nogo palhinapo halok, wene Ala nen ninasuk wasike wene a'nogo heraksìgì'lek obogat higit hogo hagatì logousak o.

KALATIA 3:17

Wene atì mel hesik ìgì. Ala nen he, “Tì'nogo wokhesigin,” ìlùk, abok tek hogo isikesik, 430 tahun welagaikesik en, wene ninasuk hobuk en wasike atì ba, wene alep mene atì munenogo legethìgì'lek.

2 KORÌTÙT 9:6

Wene atì hesik igin yì hina'la hùthani. It apùnì aike nen awì hamùlùk hogo yarì'lùgì mene re, eken hamùlùk hogo palugun o. Nen, it aike awì hùkorogo yarì'lùgì mene ebe hùkorogo palugun o.

1 KORÌTÙT 15:50

Nerùgì nagaiya'lak. Wene yì yogohisak. Ninebe ninagasabeke wa'lagorek mene yì inom he, Ala awe a'ma hinegeinmo atoma esewerek asugun motok lek o. Nen, ninebe hili agarek mene yì inom hobuk ninebe esok motok logogun mene esewerek asugun motok legat o.

1 KORÌTÙT 1:12

Wene ebe re, mel ìkì lagep atì hesik ìgì. Hat aike nen he, “An Paùlùt akìt,” ikenem he, hat aike nen he, “An Apolot akìt,” ìgìk, hat aike nen he: “An Kepat akìt,” ìgìk, hat aike nen he: “An Karìsùt akìt,” ìgìk, hinane hùnogo tomok ìkì lagep atì nen ìgì o.

LAKSASIKE 2:40

Wene ebe atì'nogo uanat ìkì logolìk he, “Apùnì inoabùt kolo hagarì'lùgì mene yoma, Ala nen ùkùm inoba hegein mene atì, heraksalùk hinokawerek en telano o,” ìluk inasuk wasike.