EPESÙT 4:16 - Ala Ane Wene Ket Mene Warogo Wo'ninapike Wene

¹⁶ Ninebe nineki ninesok ninoba hutik welagarek mene aike obogat ninomaken oba hutik hano logolìk, hùnogo tomok hagasusak mene hagatenem, ninebe hano welagorek atì hak, nit ninoe Etagepogot Karìsùt ebe ba ninom hutik logolìk, ninoabùt lopok hagatì logousak mene higit hogo hagatì logogun halok, apùnì inalùge aga logolìk inetaùken wurik agarek hak, apùnì aike inebe ninetawìrogo hagatì logolìk, ninebe Karìsùt ebe hake ninomame arìk logogun atì.

EPESÙT 4:16 ပူးပေါင်းရင်းမြစ်များ

KOLOSE 2:19

Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.

YOHANET 15:5

Hele ebe anat o. Nen, nekisok hirat o. Hit an ninom hutik lek, we, kopolek logolìk, yì mene tì mene aike hagasusak motok mea atì nen he, at sa nen an neperak hutik, nen, an at neperak hutik, logogun halok he, at atì eken apik isu hak, hano mene hùkorogo hagasigin o.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

1 KORÌTÙT 13:13

Motok logogin he, ninetaùken Ala ba hìpìrìk welagorek atì inom, hano asigin ìlùk nina'la hai hakogorek atì inom, apùnì inebe ninetawìrogo welagorek atì inom, wene ebe hìnagan atemat logogin. Meneat he, ebe esin hake re, apùnì inebe ninetawìrogo logousak atìat o.

EPESÙT 4:15

Meneat he, ninoabùt inalùgetek inoabùt hakeat wanhì logousak. Apùnì inebe ninetawìrogo logolìk, wene eberogoat enek ìgìk, yì hesik tì hesik hagatì logolìk ninoe Etagepogot Karìsùt etaùken katok hogo wurik logolìk hagatì lagaike hak hagatìk, ìkì logolìk, at oabùt wanhì logousak o.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

PILIPI 1:9

An nen sapan hit hesik ìkì logolìk, mel ìkì lagì: “Yì mene tì mene awì yatenem ero hùko arìk wùlùperek hak, hit ebe wene tùkùm hogo hinelu agìk, hùthìgìk, ìkì logolìk, apùnì inebe hinetawìrogo welagep atì mene hùkorogoat hinetawìrinapì logouageip en,” ìlùk, sapan ìkì lagìat o.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

EPESÙT 3:7

An apùnì inatitigeke negen logolìk, wene atì sùpùrisìkì logouagalùk, Ala oabùt hano nen omamerogo haga'ninaperek higit hogoat nayoko hesike atì.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

1 YOHANET 4:16

Nit en, “Ala nen etawì'ninaperek atì hùthogosik eberogoat,” ìlùk akìkì lago. At oabùt he, etawì'ninapo motok welagarek atì nen, sa nen oabùt he, apùnì etawìrinapo motogat welagarek halok he, Ala nen at eperak hutik motok, nen, at en Ala eperak hutik motok, welagaikarek.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

1 TESALONIKA 3:12

Nit en hit hinebe ninetawìrogo welago hak, hit en atì'nogoat hit-hit hinetawìrogo hagatìk, apùnì obogat hinetawìrinapìk, hùkorogoat hinetawìrinapì logouageip en, ninoe Etagepogot en hinoabùt inetawìrinaparek atì mene oba louk hogo aike inomat wokhisìkì logouak.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

1 KORÌTÙT 8:1

Hit en he, “Tùgì hareken ako waretarek atì re, wene ero yì'nogo ìlùk ninelu nek,” egesep atì re, nit hùthogo. Mene re, wene atì'nogo inelu logolìk he, inokawerek en hogorakagarek meneat he, apùnì inebe inetawì logolìk hagatarek enek he, inetaùken wurigerinaparek atì.

ÙRÙM 12:4

Ninebe yì re, nineki, ninesok, ninebe ba hutik mene aike apigat werek. Atì'nogo werek meneat he, ninebe ba hutik mene atì, ineyabu lopok hagatì logouagalùk hùnogo hinasike.

1 KORÌTÙT 10:17

Nit ninebe obogat en he, sùpùrùk omakeat mene kùrogo nokorek atì hake ninebe apik meneat he, omakeat o.