EPESÙT 4:15 - Ala Ane Wene Ket Mene Warogo Wo'ninapike Wene

¹⁵ Meneat he, ninoabùt inalùgetek inoabùt hakeat wanhì logousak. Apùnì inebe ninetawìrogo logolìk, wene eberogoat enek ìgìk, yì hesik tì hesik hagatì logolìk ninoe Etagepogot Karìsùt etaùken katok hogo wurik logolìk hagatì lagaike hak hagatìk, ìkì logolìk, at oabùt wanhì logousak o.

EPESÙT 4:15 ပူးပေါင်းရင်းမြစ်များ

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

EPESÙT 4:25

Nit obogat ninebe at Karìsùt eki esok hake ninom hutik welago atì nen he, inapeliak egarek mene atì heraksìlìk he, hinerùgì hinagaiya'lak hinom hinane eberogoat mene enek ìkì logoino o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

EPESÙT 2:21

Nit obogat ninebe lopok, at Yesùt ninom hùnogo hinìlìk he, o sep hùn-hùn wùtarek hak, o atì abirat ninopase Ala okawerek hesik awì wùrogo hinìlì'logo atì.

EPESÙT 1:22

Ala nen yì mene tì mene pogot oba kweangma welagarek mene obogat waganogo at aligat eki ba hìlìk, Ala againapùrì atogotì lago mene yì hesik tì hesik kain he, Karisùt at wo'nisasike atì.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

ÙRÙM 12:9

Hit hinetaùken oba nenat apùnì aike hinetawìrogo logoino o. Weak mene hinapsìrì motok logolìk he, hano mene hineki ning hogo hesogo logoino o.

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

2 KORÌTÙT 4:2

Nit he, apùnì nen yì mene tì mene hinagasogo weak hagataresik inekalì agarek atì mene heraksasugu. Atì'nogo heraksìlìk, apùnì lalinapìk, Ala ane wene aike mene oba labelogo yogoisìgìk, ogorek lek. Apùnì yoma ina'la lopok en hùthinoagalùk he, wene ebe wene Ala eilhanemat sele'maat yogoisìlìk nìkì lago.

2 KORÌTÙT 8:8

An nen, “Hit tì'nogo haga'no,” ìlùk, nane keirogo yogohisìgì lek o. We, it Ala againapùrì o Maketonia yoma mene nen ina'la nen kagalogo it mene atogorogo Ala againapùrì aike atì akiluk hogo leberisìlì'lùgì atì hak, hit an hogo re, it atì hinetawìrogo laberisikenem, “Eberogoat it inetawì werek,” ìlùk enagat asuagalùk yogohisìgì atì.

1 KORÌTÙT 11:3

Atì'nogo meneat he, wene omakeat aike yì hinelu asusak mene akìkì lagì. Nit ap ninebe lopok, ninoe Etagepogot Karìsùt metek were'ma awe a'ma logousak. Nen, hìmì inebe lopok he, inagonì kain metek were'ma inawe a'ma logousak. At Karìsùt atì re, opase kain Ala metek were'ma awe a'ma welagarek o.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.