EPESÙT 4:14 - Ala Ane Wene Ket Mene Warogo Wo'ninapike Wene

¹⁴ Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

EPESÙT 4:14 ပူးပေါင်းရင်းမြစ်များ

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

YAKOBÙT 1:6

Apùnì aike nen he, “Ala nen wo'nesigin a? Lek a,” ìlùk, wenesùgì ebetì logolìk kìno yogotarek mene atì, sogoi en i ha'labu yùgùneke-yaganeke waterek atì hak yogotarek atì nen, hit atì'nogo kìno yogosugun halok he, “Wo'nesìgìn a? Lek a,” ìlùk, wenesùgì ebetì'lek hinetaùken Ala oba hìpìrethìlìk en kìno yogotì logoino o.

EPESÙT 6:11

At Ibilit oabùt lagaksek mene a'nogo nen weagathinabigìlùk waganem, weim yabuogolùk sìng ìtarek hak, hit hinebe metegat logouogolùk he, at Ala nen yì mene tì mene wo'nisikerek mene atì obogat hinogat laberogo logoino o.

2 TIMOTÌÙT 4:3

Hobuk, it apùnì nen ebe wene inasuk tùkùm hogo holhì'lek logolìk, we wene inasuk holu walok en, yakùlisìkì logouagalùk it aike inebe apigat inayoko hìlìk, atogorinabugun atì.

YURAT 1:12

Hit hinerùgì hinagaiya'lak inebe hinetawì nen pesta hinom omakìma atogorogo isago nikenem, it ap atì inekalì legat hinoba ki wìrìk he, apùnì aike serisek welagì'lek inokawerek hesik enek oba ebetì logolìk hinom nìkì lagep atì re, weak o. Su hano mola were'ma muli mene oba labulagarek atì hak, hinom weak nìkì lagep atì o. Inebe re, ohena moso negein lek meneat sogoi en abùlùngweak wolok nikerek atì hak nùgì o. Nen, aike re, e eken ìtì'lek, eka motok lek ari'mo, omaken inom hesalhenem motok pùk agarek atì hak werek o.

ABÌKAKAN 19:20

Atì'nogo were'ma, at aike hageat wagaikesik, “An Ala ane yogohisìkì lagì,” ìlùk apeliagat at yeke lo yeke hake a'nogo eilhanem elalin mene hagatì lagaike a'nogo nen, lalinapenem eberogoat salek, it apùnì aike nen he, “Nit at yeke lo yeke hake oabùt weak mene yì agoromì,” ìlùk silo negen inoba wanhìk, inetaùken sukwan at yeke lo yeke bake hùko a'nogo ebe hake hagarek a'nogo oba hìpìrethìgìk, ìkì lagaika meneat he, yogotak at yeke lo yeke hako a'nogo ebe ho, apeliak lalinapì laga mene a'nogo ho, eperak haksìlìk, hele warogo i laut etu mene yekele'ma hetalì al hake obasi weak mene etage belerang inom-inom amulok niko motok welagare'ma atoma inebe inelukeke laksìkì laga hìgì.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

MATÌÙT 24:11

Nen, it aike inapeliagat Ala ane yogoisagarek mene negen hagarogo hinoba wìrìk he, apùnì motok apigat lalinabugun o.

1 YOHANET 2:26

Wene yì obogat he, it apùnì hit lalhinabuogolùk walhìlì'lùgì mene hesik helal waganogo hinoba lakhei wagì o.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

2 KORÌTÙT 4:2

Nit he, apùnì nen yì mene tì mene hinagasogo weak hagataresik inekalì agarek atì mene heraksasugu. Atì'nogo heraksìlìk, apùnì lalinapìk, Ala ane wene aike mene oba labelogo yogoisìgìk, ogorek lek. Apùnì yoma ina'la lopok en hùthinoagalùk he, wene ebe wene Ala eilhanemat sele'maat yogoisìlìk nìkì lago.

MATÌÙT 11:7

Atì'nogo isikomo, it Yohanet agoromì amanogo lagaukwama re, at Yesùt en apùnì apik amanogo Yohanet abok mel yogoisasike: “Hit he, o leimo apùnì le'ma atoma nena mene hineileken hùogolùk laga lagasip nogo. Heiteken pareken sogoi en hun hogo lagìk-wagìk ikenem hùogolùk laga lagasip a?

1 KORÌTÙT 12:2

Hit alep ninoe Etagepogot hinokot were'ma, oabùt weak mene nen tùgì hareken ane lek mene oba hìpìrìk logouagalùk, we, komakwe heat wokhisek lìlìk he, nongothinapì lagaike atì hinelu.

LAKSASIKE 23:21

Mene re, hat en wene it ega atì, hologo hagatùn. Ap inebe 40 nen, aike inomat, logolìk en Paùlùt ebe wasuogolùk weim abok egasik elokoma salek logogun ega o. It en he, Paùlùt ebe watì'lek logolìk, sùpùrùk mel, i mel, nìkì'lek logopik, arat wato halok en nogoin o, ìlùk hopuk palhasik werek. Atì'nogo logolìk, yogotak it en he, Wene at en oko nìkì'nogo yogonisegein, ìlùk setharek werek o,” ìlùk yogosike.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

2 PETERÙT 2:18

Apùnì aike inerùgì inagaiya'lak koloat hagato kolek he, heraksalùk wùlìbi wesuogolùk ikenem, inetaùken nen nikenem hobuk weak hagasuagalùk, it ap atì inokawerek hogorakìkì logolìk we tùlemat inapeliagat ina'la kagalhì logogun.

YAKOBÙT 3:4

Nen, so i yekelek oba lagarek mene, atì ebe hùko mene, sogoi en aninirogo wolok lagarek meneat he, at so wolok lagarek mene atì a'la nen, “Kwe tìkwe legein,” ìlùk, akìlìk, ùkùl hebelhùkwe eagalak mene atì kwanìthike halok, atìkweat higit wolok lagarek atì hùthani!

1 TIMOTÌÙT 3:6

Ap aike Ala ane oan kerat wanhe mene menhikenem, Ala againapùrì serisek logolìk, okawerek en hogorakamo re, Ala nen Ibilit ùkùm wogosike hak, atì'nogoat ùkùm oba housak atì nen, Ala againapùrì serisek logouagalùk menhousak lek o.

2 TIMOTÌÙT 1:15

It apùnì o propinsi Asia ya ta mene amanogo inebe obogat an herakhanìlùk pùgùlogo wùlìpì logolìk, at Pìgelùt ho, Heremogenet ho, inomat pùgùlha atì, hat heluat welagen o.

1 KORÌTÙT 3:19

Apùnì kweangma mene nen he: “Nit apùnì ninawene nina'la motok kagalek,” ìlùk akìlì'lùgì halok he, Ala nen he, “Ina'la abit werek o,” ìlùk akikerek. It ap Ala ane helal waganogo hìkì lagaukwa mene nen he: “Paik hele hìlì'mo kerelaganem watarek hak, it apùnì kweangma mene yoma ina'la kagalek salek logolìk lalinabì'lùgì atì ba, kerelaganem he, Ala nen weagarinabigin werek o,” ìlùk helal waganogo hesukwa.