EPESÙT 4:13 - Ala Ane Wene Ket Mene Warogo Wo'ninapike Wene

¹³ Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

EPESÙT 4:13 ပူးပေါင်းရင်းမြစ်များ

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

YOHANET 1:16

Nen, at oabùt hano motok en ninebe obogat hobugalep hano'ninabì'logo.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

1 KORÌTÙT 2:6

It apùnì inetaùken wurik mene halogat, wene wurik mene atì ina'la kagauk hogo yogoisogorek o. Atì'nogo yogoisogorek atì re, it apùnì kweangma mene yoma, inawene mene lek. Inogogì kaintek inebe hobuk lek asugun mene o yogotak werek yoma, inawene kagauksek wene legat o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

KALATIA 4:19

Mene re, nagainapùrì hinebe netawìlak e. Hìmì nen omalik taginabuogolùk inapot heinet watarek hak, an nen hobuk takhinabumo, hit hinoabùt Karìsùt oabùt hake haga'la'lep e! ìlùk, hit hesik an noba ou heinet weak watì lagì.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

EPESÙT 1:23

Nit Ala againapùrì ninebe at Karìsùt ebeat o. Ma re, yì mene tì mene, pogot oba kweangma welagarek mene obogat a'la Karìsùt ebe peserogo logolìk, nit Ala againapùrì at ebe hake were'ma, nina'la peserogo welagarek atì.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.

EPESÙT 4:3

Ala Areagùn nen ninebe omakeat mene hùnogo hinikomo logolìk, inebe hano lapuk hogo welagaikarek atì mene esinethìkì logoino o.

EPESÙT 4:5

Ninoe Etagepogot ebe omakeat o. Ninetaùken at oba hìpìrethogorek mene atì omakearat. Ninebe ima pela'ninaparek mene omakearat.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

IBERANI 5:14

Mene re, it inalùgetek enek he, inetaùken wurik arìk nogo nen he, wene yì weak, yì hano, ìlùk penesusak inelu nogo nen he, sùpùrùk haro mene it inapùrùk o.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.