EPESÙT 4:10 - Ala Ane Wene Ket Mene Warogo Wo'ninapike Wene

¹⁰ At ebe kweangma mel, pogot oba mel, o yì awi tì awì obogat mel, logoigìlùk he, kweangma pi wagaikesik he, hobuk apotkwe pogot halìaken oba po'loma lagasike atì.

EPESÙT 4:10 ပူးပေါင်းရင်းမြစ်များ

MATÌÙT 24:34

Yì'nogo haga'lasigin, tì'nogo haga'lasigin, ìlùk yogohisìgì atì, apùnì o yogotak werek mene inebe aike lek agì'lek oan werek kolegat ebe obogat haga'lasigin o, ìlùk, eberogoat yogohisìgì.

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

YOHANET 1:16

Nen, at oabùt hano motok en ninebe obogat hobugalep hano'ninabì'logo.

YOHANET 19:24

it-it aike nen aike yogotì logolìk he, “Su yì paluok lek o. We, sa hak helegein ìlùk oageke lakhouok o,” ìlùk isukwa. Atì'nogo isukwa atì re, Ala ane helal waganogo hesukwama, mel werek: “An nasu nokolek sùpùrìlìk he, nasu etakwe mene helùogolùk oageke lakhaga o,” ìlùk isukwa mene helal waganogo hesukwa mene werek higit hogoat, it ap tentara mene nen atì'nogoat hagasukwama ebe agaike atì.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.

YOHANET 19:36

Wene atì'nogo haga'lagaike atì re, Ala ane ba helal mel ìlùk waganogo hesukwama werek: “At oak hukalhogoin motok lek o,” ìlùk isukwa.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

LAKSASIKE 2:33

At ebe Ala nen eluguthikesik, era'lu kain logouagalùk menhikomo werek o. Logolìk, Ala nen, Nareagùn wokhisegein, ìlùk wene wa'nisasike hagat Yesùt wogotomo, at en hùkorogoat nit ninoba pelakhei wagama re, nit hagatenem hineileken nisìgìk, hinasuk holhìk, ìkì lagep atì.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

2 KORÌTÙT 12:2

An 14 tahun alebat neileken hasigi mene it aike inoba lìrogo igin o. Ap aike Karìsùt eperak hutik welagaike mene Ala nen pogot hùlì pìre sekelek hebìlùk hùlì aike po atoma ba lìakhesike atì nelu. At atì ebeat lìakhesike he a? Areagùn lìakhesike he a. An nokot. Nopase Ala at elu o.

KOLOSE 1:19

At Ala nen, “An na'la walok he, an noabùt nesok motok welagìrek atì hak, an naput atì'nogoat neperak higit motogat logouak o,” ìlùk, a'la akasike higit hogoat welagarek.

KOLOSE 2:9

Mene re, Ala ebe abireke motogat Karìsùt a'la were'ma, apùnìat ta'lasi wagaikesik welagaike atì.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

IBERANI 4:14

Nit ninoe kain Ala esewerek Ala aput Yesùt pogot pelakha wagìk, pogot abel pokwe Ala were'ma lagasikesik nit hesik werek atì nen he, nit ninetaùken at oba hìpìrethìlìk ninane pak hogo ìkì lago mene atì, nineki ning hogo hesogo logouok o.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

IBERANI 8:1

Nit wene ìkì lago atì, esin he, yì o: nit ninoe kain Ala esewerek ogo atì hagat werek. At ebe re, ninopase Etagepogot Ala welagarek oba era'lu kainat werek.