EPESÙT 3:6 - Ala Ane Wene Ket Mene Warogo Wo'ninapike Wene

⁶ Hano wane atì ba, it apùnì etakwe mene mel, Yahuri mene mel, inom higit hogoat esewerek haga'lagìk, Karìsùt ebe omakeat mene ninom higit hogo hùnogo hinìgìk, ikomo welago. Wene hageat Ala nen, “Tì'nogo hagathinabigin,” ìlùk, abok yogonisasike a'nogo ba, “Apùnì etakwe mene Karìsùt Yesùt inom hutik were'ma, hano wene atì ba ninom higit hogo haga'ninabigin,” ìlùk, ninelu aga atì.

EPESÙT 3:6 ပူးပေါင်းရင်းမြစ်များ

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

KALATIA 3:14

At Ala nen he, Aberaham hanothesike hak, yì apùnì tì apùnì obogat Karìsùt Yesùt inom hùnetenem hanorinabuagalùk, Yesùt wa'lagaike atì. At atì'nogo wa'lagaikesik oba nen, Ala Areagùn wokhisegein ìlùk abok tak yogonisasike a'nogo, ninetaùken at oba hìpìrethikenem wo'nisikerek atì.

1 KORÌTÙT 12:27

Hit hinebe lapuk hogo Karìsùt ebe hakeat logolìk he, hinebe lopok, at eki esok negen oba hutik welagep o.

KOLOSE 2:19

Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.

EPESÙT 5:7

Halok he, hit it atì hinom lapuk hogo atì mene hagatì logousak lek o.

1 KORÌTÙT 12:12

Nit apùnì ninebe omakeat meneat he, nineki, ninesok, aike ninoba apigat werek. Nineki ninesok ninoba yì mene tì mene apigat werek meneat he, lapuk hogo ninebe omakeat atì hake re, at Karìsùt ebe atì'nogoat o.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

EPESÙT 3:3

Wene at Ala a'la hinago welagaike mene atì, an pak hogo yakùlnesike, ìlùk, helal kasuk hogo waganogo yakùlhisìgì atì.