EPESÙT 3:21 - Ala Ane Wene Ket Mene Warogo Wo'ninapike Wene

²¹ Nit Ala againapùrì atogotorek mene obogat Karìsùt Yesùt ninom hutik logolìk inebe aike hobuk mene ket ta'larìk laga kolek, Ala eberogoat hogorato motok logouok, ìlùk, “Amin,” ìgì atì.

EPESÙT 3:21 ပူးပေါင်းရင်းမြစ်များ

MATÌÙT 6:13

Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino. Oabùt weak mene atì nen eki ha'nisike halok, hat en telninapì logoino. [Ninopase Hetagepogot harat logolìk, yì mene tì mene hagasusak ene'ma re, harat hogothapo motok logogun o. Ebe asuak u hak, Amin,] ìlùk sapan atì'nogo ìkì logoino.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

ÙRÙM 11:36

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

ÙRÙM 16:27

At Ala aligat a'la motok kagauksek welagarek o. At Yesùt Karìsùt hagasike hesik Ala hogorato motok logouok o, ìlùk, “Ebe asuak,” ìlùk u hak, “Amin,” ìgì atì.

KALATIA 1:5

Ati hen he, at Ala at hogorato motok logouok. Atì'nogo ìgì atì, “Ebe asuak,” u hak, “Amin,” ìgì atì.

EPESÙT 1:6

At oabùt hano nen aput etaùken tùlem mene etawì agì'legat wo'nisasike atì hesik, nit en he, “Egi. Nayùk e,” ìlùk, hogoratì logouok o.

EPESÙT 2:7

At Ala atì'nogo hagasike atì re, o hobuk logogun atì ba logolìk apùnì nen he, “Ala oabùt hano motok en etawì'ninapike,” ìlùk enagat hùthìkì logouagalùk telninapike atì, ebe re, Karìsùt Yesùt enat telninapike.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

PILIPI 4:20

Halok he, ninopase Ala hogorato motok logouok, ìlùk, “Amin,” ìgì atì.

2 TIMOTÌÙT 4:18

Atì'nogo telnapesik, hobuk apùnì nen yì weak tì weak haga'nabuogolùk ikenem, at enat telnapì logopik he, telogo wo'narek pogot oba, at awe a'ma logogunmo atoma kigin atì hesik, at hogorato motok logouok, ìlùk, “Amin,” ìgì atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

1 PETERÙT 2:5

Atì'nogo hesikomo, hit hinebe helep eluk welagarek atì mene hake logolìk, at oba we'no o. At oba waganem, Ala nen he, at okawerek awì wùrogo hikoak. At awì wùrì'mo, hinebe Ala eseweregat Yesùt Karìsùt hinom hutik logolìk, Ala a'la hanorogo ako waretì logou hak, hinetaùken wogotì logoino o.

1 PETERÙT 5:11

Yì mene tì mene obogat at aligat ese logolìk hesogo motok logouak, ìlùk, “Amin,” ìgì atì.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

YURAT 1:25

Ninopase Ala aligat en ninoe Etagepogot Yesùt Karìsùt hagasike atì ba telninapike mene a'nogo esewerek omame apigat o, ìlùk, at hogoratìk, esinethìgìk, ìkì logouok en, ero ba yì mene tì mene walhìgì'le'ma Ala aligat welagaike atì ba nen, yogotak ya nen, hobuk motok logolìk en, atì'nogo hogorato motok logouok, ìlùk, “Amin,” ìgì atì.