EPESÙT 3:20 - Ala Ane Wene Ket Mene Warogo Wo'ninapike Wene

²⁰ At Ala at hogoratì logouok. At ebe nina'la logolìk omamerogo haga'ninaperek atì re, motok hùko atì nen, nit en nina'la ebetìk, kìno yogotìk, ogorek mene higit hogo hagatì'lek, tagan hogo hagaterek atì.

EPESÙT 3:20 ပူးပေါင်းရင်းမြစ်များ

2 KORÌTÙT 9:8

Apùnì inoabùt hano hagatarek mene hesik, Ala ane ba helal mel waganek werek: “It en hano mene apùnì ya wogisìgìk, ta wogisìgìk, sùpùrisìkì logolìk, it aike inelageik mene sùpùrisagarek. Inoabùt hano nen wogisagarek atì, Ala a'la eberek motok logogin o,” ìlùk helal waganogo hesukwa hak, at Ala oabùt hano nen, yì mene tì mene oba hilarogo wokhisikenem, hit ninhùp-nanhùlp hinokawerek hesik elok logolìk, oba hilarogo it aike hanorogo leberisìkì logouageip ìlùk, Ala nen elok wokhisasak werek o.

ÙRÙM 4:21

Atì'nogo hogoratì logolìk, “Ala re, yì mene tì mene hagasusak elok enek a'nogo nen abok yogonesike atì, ebe asiginat o,” ìlùk wenesùgì kasuk hogoat welagaike.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

EPESÙT 1:19

at omame motok apik mene a'nogo nen, nit ninetaùken at oba hìpìrethesugu mene hùgì, omamerogo hùkoat lebe'nisìlì'logo mene hinelu agìk, uageip ìlùk ayoko hìkì lagì. At omame atì ba re, Karìsùt ebe wa'lagaikesi'mo eluguthìlìk pogot oba lìakhìlìk, at era'lu eki ebekwe kain Etagepogot logouagalùk menhesike hagat, omamerogo lebe'nisìlì'logo atì.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

EPESÙT 3:7

An apùnì inatitigeke negen logolìk, wene atì sùpùrisìkì logouagalùk, Ala oabùt hano nen omamerogo haga'ninaperek higit hogoat nayoko hesike atì.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

YOHANET 10:10

Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

YAKOBÙT 4:12

Mene re, Ala aligat en ùkùm ninoba hìgìk, kotìk, ikerek o. Ma re, at enat hano'ninapìk, weaga'ninapìk, usak elok meneat he, hit aike nen hinerùgì hinagaiya'lak mene ùkùm inoba hìkì lagep atì nenahalok. Hit en atì'nogo hagasusak mene hagatì lagep a? Mea o.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.

2 PETERÙT 1:11

Ninoe Etagepogot Yesùt Karìsùt telninabì'logo mene a'nogo, kain motogat logoginmo atoma hika kìkì logolìk, at en he, “Hit hinebe esewerek o,” ìlùk, hai warogo hanorogo wokhisek kigin o.

MATÌÙT 3:9

An nen he, at Ala nen Aberaham againapùrì negen haga'lasuagalùk helep yì mene elok hagasusagat o, ìlùk yogohisìgì atì nen, hit hina'la nen he, Aberaham atì nit ninopase, ìlùk akagùp o.