EPESÙT 3:13 - Ala Ane Wene Ket Mene Warogo Wo'ninapike Wene

¹³ Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

EPESÙT 3:13 ပူးပေါင်းရင်းမြစ်များ

2 TESALONIKA 3:13

Nerùgì nagaiya'lak. Hano mene hagatì logolìk, hinaberalì agì'lek hagatì logoino o.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

2 KORÌTÙT 1:6

Nit yì aik tì aik hìkì lago atì ba, Ala nen hit hina'la hano asuagalùk hinetaùken sebelhìk, hinebe telhinapìk, iginat o. Nen, nit yì aik tì aik hikenem Ala nen ninetaùken sebelherek atì ba, hit atì'nogoat yì aik tì aik hìkì logolìk hinepe morogo logogun halok, Ala nen hina'la hano asuagalùk hinetaùken sebeliginat o.

EPESÙT 3:1

Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

KALATIA 6:9

Halok he, ninomame lek agì'legat hano mene hagatì logogun halok he, yì mene tì mene yakhìlìk higit asi laganem, ebe palharek hak, hobuk elùgùn oba ebe hano mene helogoin atì nen he, ninaberalì agì'legat hagatì logouok o.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

2 KORÌTÙT 4:1

At Ala ninebe etawì nen he, at hesik yì'nogo hagatì logouagalùk ninayoko hesike atì nen he, nina'la pùk arìk heraksìgì'lek hagatoat welago.

PILIPI 2:18

Atì'nogoat, hit hina'la hai hakikenem, an na'la hai hùkasagat o.